5 ноябрь куни Қўқондаги “Марказий” ўйингоҳида Олий лига 29-тур доирасидаги “Қўқон-1912” – “Сўғдиёна” учрашуви бўлиб ўтади. Мазкур ўйин билан жамоамизнинг бу йилги мавсумдаги ўз майдонида ўтказган учрашувлари поёнига етади.
Анъанамизга содиқ қолган ҳолда навбатдаги рақиб билан бўлган ўйинлардаги статистик маълумотларга назар ташлаймиз.
Ўзаро ўйинлар
Бу жамоалар Олий лига доирасида 17 марта ўзаро майдонга тушишган. Учрашувларнинг 8 тасида жиззахликлар ғалаба қозонишган. Олтита ўйинда қўқонликлар қўли баланд келган. Учта баҳсда ғолиб номи аниқланганман. Тўплар нисбати – 27-20, “Сўғдиёна” фойдасига.
Ўзаро ўйинларда “Сўғдиёна” 27 очкони қўлга киритган бўлса, “Қўқон-1912”нинг бу борадаги кўрсаткичи 21 очкони ташкил этади.
Қўқонда бўлиб ўтган учрашувлар:
11.05.2002
Қўқон -1912 – Сўғдиёна – 1:0 (1:0)
12.09.2000
Темирйўлчи – Сўғдиёна – 3:1 (0:1)
30.04.1999
Темирйўлчи – Сўғдиёна – 2:1 (2:1)
21.06.1998
Темирйўлчи – Сўғдиёна – 4:2
31.05.1995
Темирйўлчи – Сўғдиёна – 1:0
27.04.1994
Темирйўлчи – Сўғдиёна – 2:2
02.05.1993
Темирйўлчи – Сўғдиёна – 0:0
27.05.1992
Темирйўлчи – Сўғдиёна – 1:0 (0:0)
Факт: Қўқонда бўлиб ўтган учрашувларнинг олтитасида мезбонларнинг қўли баланд келган. Икки марта дуранг натижаси қайд этилган. “Сўғдиёна” ҳали Қўқонда ғалаба қозона олмаган. Қўқонда ўтказилган ўйинлардаги тўплар нисбати – 14:6, майдон эгалари фойдасига.
Биринчи даврадаги ўйин
Ушбу жамоаларнинг биринчи даврадаги ўйинида жиззахликлар иродали 2:1 ҳисобида ғалабага эришишган. Аввалига Нодир Қўзибоев ҳисобни очганига қарамай, майдон эгалари икки марта қўқонликлар дарвозасига йўл топа олишган.
Қизиғи, Суҳроб Қобилов биринчи даврада “Қўқон-1912” дарвозасини ишғол этган.
Олий лига
14-тур
«Сўғдиёна» (Жиззах) – «Қўқон-1912» (Қўқон) – 2:1 (2:1)
26 июнь 2015. Жиззах. “Жиззах” стадиони. 19:00
Ҳакамлар: Т. Тўхтасинов (Андижон), А. Маражабов (Андижон), З. Абдураҳмонов (Андижон), Ф. Норсафаров (Қарши)
Назоратчи: И. Шарипов (Бухоро).
Голлар: Нодирбек Қўзибоев 30, – 0:1. Суҳроб Қобилов, 32 пенальти, – 1:1. Акмал Абдураҳмонов 39, – 2:1.
“Сўғдиёна”: 31. Михаил Спиридонов, 2.Дилмурод Икромов, 3.Илҳом Комилов, 4.Элёр Орипов, 6.Собир Ҳамидов, 7.Санжар Рашидов, 8.Суҳроб Қобилов (24.Асилжон Бегимқулов, 86), 17.Музаффар Музаффаров, 20.Вусол Магеррамов (23.Бобур Қосимов, 69), 21.Акмал Абдураҳмонов (9.Анвар Ражабов, 75), 22.Сайдулло Раҳматов.
“Қўқон-1912”: 12.Азиз Ашуров, 3.Ҳасанбой Эргашев, 5.Жалил Кимсанов, 6.Баҳодир Акрамов (28.Алексей Николаев, 51), 8.Нодирбек Қўзибоев (17.Азиз Тўхтабоев, 88), 10.Қувондиқ Рўзиев, 11.Дониёр Усмонов, 18.Сардор Эминов, 22.Ориф Мамаджонов, 24.Илья Ильин, 29.Игорь Голбан (23.Фурқат Ҳасанбоев, 58).
Собиқ жамоадошлар баҳси
Эътиборимизни қизиқ жиҳат ўзига тортди. Мазкур беллашувни собиқ жамоадошлар баҳси ҳам дейиш мумкин. Айни дамда “Сўғдиёна” сафида биринчи даврани “Қўқон-1912” жамоасида ўтказган Иззатбек Ғаниев ва Хуршид Мухторовлар тўп суришмоқда. Ўз навбатида “Қўқон-1912” таркибида ҳам чемпионатни жиззахликлар сафида бошлаган Суҳроб Қобилов ва Илҳом Комиловлар ҳаракат қилишмоқда. Бундан ташқари, Сардор Эминов ҳам “Сўғдиёна”да ўйнаган. Юқорида номлари тилга олинган бу футболчилар пайшанба куни собиқ жамоаларига қарши майдонга чиқишади.
Учрашувни Коваленко бошқаради
5 ноябрь куни Қўқондаги “Марказий” ўйингоҳда бўлиб ўтадиган “Қўқон-1912” – “Сўғдиёна” учрашувини ФИФА рефериси Валентин Коваленко бошчилигидаги ҳакамлар бригадаси бошқариб боради.
Учрашув назоратчиси Гали Имомов.
Олйи лига
29-тур
5 ноябрь
«Қўқон-1912» (Қўқон) – «Сўғдиёна» (Жиззах)
Ҳакамлар: В. Коваленко (Тошкент), М. Саидқосимов (Тошкент), А. Снетков (Тошкент вил.), Б. Юльчараев (Гулистон)
Назоратчи: Г. Имомов (Тошкент).
Учрашув 5 ноябрь куни соат 14:00да бошланади. 4 ноябрь куни эса шу вақтда ўринбосарлар баҳси ўтказилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
