Бугун Европа Чемпионлар Лигаси гуруҳ босқичида қолган 4 гуруҳда ҳам илк учрашувлар ўтказилади. Tribuna.Uz жуфтликларнинг ўзига хос статистик кўрсаткичларини эътиборингизга ҳавола қилади.
РЕАЛ - АПОЭЛ (23:45)
- Бу икки рақиб 2011/12 ЕЧЛ чорак финалида тўқнаш келишган. Ўшанда мадридликлар умумий 8:2 ҳисобида ғалаба қозонган.
- ЕЧЛ да атиги 20 ўйинда жамоасини майдонга бошлаб тушган Зайниддин Зидан 2 марта ушбу турнирда ғолиб чиқишга улгурди. Ҳеч қайси мураббий шу пайтгача қаторасига 3 маротаба ғолиб бўла олмаган.
- «Реал» нафақат ЕЧЛда, балки барча мусобақаларнинг ҳар бир ўйинида гол уриб келмоқда. Жамоанинг сўнгги голсиз ўйини салкам бир ярим йил олдин ЕЧЛ 2015/16 ярим финалида «Манчестер Сити» (0:0) га қарши учрашув бўлганди.
- «Реал» ўз гуруҳидаги барча клуб билан ЕЧЛ плей-оффларида ўйнаган.
ТОТТЕНҲЭМ - БОРУССИЯ ДОРТМУНД (23:45, Матч! Футбол 1)
- Жамоалар илгари фақат бир марта, 2015/16 Европа Лигаси нимчорак финалида тўқнаш келишган. Икки ўйин натижасига кўра, немис жамоаси 5:1 ҳисобида устун келганди.
- «Тоттенҳэм» Европа Чемпионлар Лигасидаги сўнгги 9 ўйиннинг атиги 2тасида ғалаба қозонган. Икки дуранг ва беш мағлубият. Шунингдек, «Уэмбли»даги охирги 3 ЕЧЛ ўйинида бир марта рақибдан устун келган.
- «Тоттенҳэм» ўтган ЕЧЛ гуруҳ ўйинларида бошқа бир немис жамоаси «Байер»дан қолиб кетганди.
ФЕЙЕНООРД - МАНЧЕСТЕР СИТИ (23:45, Матч! Наш Спорт)
- «Манчестер Сити» шу пайтгача иштирок этган 36 гуруҳ ўйинларининг бирортасида 0:0 қайд этилмаган. Умуман бу 36 ўйиннинг атиги 5тасида манчестерликлар ўз дарвозасини дахлсиз сақлай олишган.
- Серхио Агуэро ЕЧЛдаги охирги 12 ўйиннинг атиги 2тасида рақиб дарвозасини ишғол қила олган холос. Аммо у ушбу икки ўйинда 5 гол урган. Умуман, Агуэро жамоанинг турнирдаги тўпурари саналади — 40 ўйинда 22 гол.
ШАХТЁР - НАПОЛИ (23:45, Матч! Футбол 2)
- «Наполи» етакчиси Дрес Мертенс жамоасининг ЕЧЛдаги сўнгги 10 голининг 7тасида иштирок этган — 5 гол ва 2 ассист.
- «Шахтёр» ушбу турнирдаги охирги 10 учрашувнинг атиги биттасида ғалаба қозонган. Ушбу ғалаба 2015 йилда «Мальмё» устидан (4:0) қўлга киритилган эди.
ЛИВЕРПУЛЬ - СЕВИЛЬЯ (23:45, Матч! Арена)
- Бу икки жамоа 2015/16 Европа Лигасида финалида тўқнаш келганди. Ўша ўйинда испанлар 3:1 ҳисобида ғалаба қозонишган.
- ЕЧЛнинг ўтган мавсумдаги гуруҳ ўйинларида «Севилья» яримҳимоячи Стевен Нзонзи 459 марта тўпни шерикларига оширган. Бу кўрсаткич бўйича турнир бўйича фақат Марко Вераттида (479) ундан кўпроқ бўлганди холос.
МАРИБОР - СПАРТАК (23:45, Матч ТВ)
- «Спартак» ўзи қатнашган сўнгги 11 ЕЧЛ мавсумидан атиги 1 мартасида гуруҳ босқичини муваффақиятли якунлаган. 1995/96 йилги мавсумда москваликлар жамоаси чорак финал иштирокчисига айланишганди.
- «Марибор» ҳужумчиси Маркос Таварес жамоасининг ушбу мавсумдаги ЕЧЛ саралашида киритган 7 голидан 4тасининг муаллифидир.
ПОРТУ - БЕШИКТОШ (23:45)
- Португалия клуби ўзининг 22-гуруҳ ўйинларида қатнашмоқда. Жамоа бу борада «Реал» ва «Барселона» билан биргаликда рекорд соҳибидир.
- «Бешиктош» еттинчи маротаба ЕЧЛ гуруҳ босқичида иштирок этяпти ва илк бор қаторасига 2 йил бундай бахтга муяссар бўлмоқда.
- «Бешиктош» ҳеч қачон гуруҳ босқичидан ўта олмаган.
- «Порту» ЕЧЛда ғолиб чиққан ягона Португалия клуби ҳисобланади. Португалия чемпионатидан бошқа ҳеч бир клуб ҳатто ЕЧЛ финалига ҳам чиқа олмаган.
ЛЕЙПЦИГ - МОНАКО (23:45)
- Немис клуби ўз тарихида илк бор ЕЧЛ мусобақасида иштирок этмоқда. Ушбу мавсумда «Лейпциг» билан бирга фақат «Қорабоғ» жамоаси дебютант ҳисобланади.
- Радамель Фалькао ЕЧЛдаги 15 ўйинда 9 гол муаллифига айланган. Ҳужумчи 31 ёшга кирган бўлса-да, атиги учинчи маротаба бу турнирда иштирок этмоқда.
Эслатиб ўтамиз, барча учрашувларнинг хавфли вазиятлари ва голларини жонли равишда, online режимида Матч! Футбол 3 телеканали орқали томоша қилишингиз мумкин бўлади.
Қаҳрамон Асланов тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
