Жорий йилнинг 10-15 декабр кунлари республикамизнинг барча туман ва шаҳарларида “Маҳалла ва нуронийлар ҳафталиги” ўтказилаётгани ҳақида хабар берган эдик.
Ҳафталик доирасида футбол, баскетбол, волейбол, қўл тўпи, енгил атлетика каби спорт турлари бўйича мусобақалар ўтказилмоқда. Шунингдек, “Отам, онам ва мен – спортчи оила” ва миллий кураш спорт тури бўйича анъанавий спорт ўйинлари ташкил этилмоқда. Нуронийлар учун эса даволаш гимнастикаси, спортча юриш, йога бўйича машғулотлар ва бадминтон, шахмат, шашка, стол тенниси бўйича мусобақалар ташкил этилмоқда.
Қашқадарё вилоятининг барча туман ва шаҳарларида аҳолини жисмоний тарбия ва спортга жалб этишга қаратилган спорт мусобақалари ўтказилмоқда. Хусусан 11 декабрь куни Нишон тумани болалар-ўсмирлар спорт мактабида ёшлари иштирокида волейбол, Касби туманида нуронийлар ўртасида шахмат, Чироқчи туманидаги ёшлар ўртасида футбол бўйича, Яккабоғ туманида эса ўқувчилар ўртасида стол тенниси бўйича мусобақа ўтказилди.
12 декабрь куни ҳам туман ва шаҳарларда мусобақалар давом эттирилиб, маҳаллалар ўртасида Шаҳрисабзда шахмат, Деҳқонободда стол тенниси бўйича мусобақалар, Чироқчи ва Муборак туманларида эса ёшлар ўртасида волейбол баҳслари ўтказилди.
Ҳафталик доирасида ўтказилаётган мусобақаларда фаол иштирок этаётганлар диплом ҳамда эсдалик совғалар билан тақдирланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).