Turon24 Ўзбекистон Профессионал футбол лигаси томонидан уюштирилган мавсумнинг энг яхшиларини тақдирлаш маросимида Ўзбекистон терма жамоаси дарвозабони Игнатий Нестеров билан эксклюзив интервью ташкиллаштирди.
Turon24: Мавсумнинг энг яхши дарвозабони унвони сизга эмас, Элдор Суюновга топширилганига қандай муносабат билдирдингиз?
Игнатий Нестеров: Мен шунчаки ўрнимдан турдим-у, чиқиб кетдим. Мен ҳатто йил рамзий терма жамоаси эълон қилинишини ҳам кутганим йўқ.
Т24: Фикрингизча, Суюнов ушбу унвонга қанчалик муносиб?
И.Н.: Бизга ҳеч нарса боғлиқ эмас. Энг яхшилар ПФЛ ва мухлислар томонидан танланди. Биз фақат ўз ўйинимизни кўрсатдик, холос. Шундай экан, улар мени бунга муносиб кўришмабдими, шундай бўла қолсин.
Т24: Игнатий, сиз Осиё кубогига йўл олувчи футболчилар таркибининг кенгайтирилган рўйхатига киритилдингиз. Нима деб ўйлайсиз турнирда Купер асосий дарвозабонликда кимни танлайди? Сизними ёки Суюновними?
И.Н.: Бу ҳақда нимадир дейишим қийин. Таркибга фақат энг муносиблар киритилади. Шунинг учун ҳам йиғинлар ташкиллаштириляпти.
Т24: Ўтказилган 6 та ўйиндан сўнг нима дея оласиз, Купер терма жамоа муҳитида нимани ўзгартирди?
И.Н.: Майдонда ва майдон ташқарисида тартиб ва интизомга алоҳида эътибор қаратилмоқда. Йиғинлар вақтида инфратузилмадан тортиб жамоавий руҳиятга қадар ҳаммаси идеал даражада бўлиши талаб қилиняпти. Купер учун интизом масаласи биринчи ўринда.
Т24: Купернинг сўзларига қараганда, у ўйинни асосан ҳимоя орқали ташкиллаштиришга ҳаракат қиляпти. Агар шундай бўлган тақдирда ҳам Австралиядаги ўйинда Жанубий Кореядан ўтказиб юборилган 4 та гол жуда кўплик қилмайдими?
И.Н.: Ҳозирча ўртоқлик ўйинларидан келиб чиқиб бирор фикр билдирмаган маъқул. Ҳаммаси расмий ўйинлар вақтида маълум бўлади.
Т24: Купернинг услуби ўзбек футболчилари ўйинига қанчалик мос?
И.Н.: Биз фақат жипслашишимиз ва мураббий нимани хоҳласа шуни кўрсатиб беришимиз лозим.
Т24: Фикрингизча, Ўзбекистон терма жамоаси учун энг яхши мураббий ким: Қосимов, Абрамов, Кападзе ёки Купер?
И.Н.: Бу футбол. Шундай экан, саволингизга аниқ жавоб беришим мушкул.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
