Нико Ковач шогиртдлари «Баер» жамоасидан 2 – февраль оқшомида аламли мағлубиятни қабул қилиб олишди. Бу ўзи шундоқ ҳам аламзада мухлисларни ғазабини қўзғатди. Ўша учрашувдаги мағлубиятдан сўнг, Мюнхенлик мухлисларнинг аксариятиКовачнинг истеъфосини талаб қила бошлашди…
«Бавария» бу мавсумда Бундеслигада ғолиб чиқиш имкониятини тобора йўқотиб бормоқда. «Бавария» даги авариянинг сабаби нимада? Келинг, таҳлил қилиб кўрамиз
Трансфер ойнасидаги сусткашлик
«Бавария» азалдан камҳарж жамоалар сирасига кириши сир эмас. Немис клуби ўз скаут ва академиясига таянган ҳолда доимо Европада қудратли жамоалар сирасига кирган. Аммо, сўнгги йилларда бу жамоа ўйинида кескин пасайиш кузатилди. Айниқса, Юпп Ҳайнкеснинг қайд этган треблидан сўнг, «Бавария» Европада бошқа шов – шув кўтармади… Ҳайнкес давридаги Роббен, Рибери, Ноер, Лам, Манджукич, Швайнштайгер сингари жамоанинг юраги бўлган ўйинчиларнинг ярми жамоада эмас, қолганларнинг эса ёшлари ўтиб қолди.
Ўша йирик ғалабадан сўнг «Бавария» айтарли ҳеч кимни ҳарид қилмади. («Реал Мадрид»да юлдузлик касаллигига чалиниб таркибдан тушиб қолган Ҳамес ёки 19 ёшли тажрибасиз Саншешни агар катта трансфер деб бўлса) Левандовскийни қандай қўлга киритишгани ҳаммага аён.
Замонавий футболдан ортда қолмаслик учун дунёдаги энг кучли академия эгаси саналган «Барселона» ҳам тез – тез ҳаридларни амалга оширмоқда ва зоналардаги камчиликни шу йўсинда бартараф этмоқда. «Реал Мадрид» жамоаси Роналдо жамоани тарк этгач, унинг ўрнини боса оладиган футболчини ҳарид қила олишмади ва оқибатда натижалар ҳам сезиларли даражада тушиб кетди. Тўғри, аввалари Европанинг ҳамма клублари ўз академияларига таяниб ротацияни амалга оширшир эди, ҳозир эса вазият ўзгарган. «Бавария» ўз даражасига қайтиши учун эконом режимни ҳеч бўлмаса бир неча мавсумгаўчириб қўйиб ҳаракат қилиши даркор!
У қадар «Авторитет»га эга бўлмаган мураббий
Гвардиола, Анчелотти, Ҳайнкес, Луи Ван Гал сингари футбол оламининг ўзига хос устунлари саналадиган мураббийлардан сўнг ёш ва тажрибасиз Нико Ковачни «Голливуд» аъзолари у қадар қизиқш билан кутиб олишмагани аниқ.
Жозе Моуриниёнинг айнан шу мавзуга оид қизиқ фикрларидан бирига эътибор қаратинг
Журналист. «Реал Мадрид» нинг кетма – кет ЧЛ да ғалаба қозонишида Зиданнинг ҳиссаси катами? Жозе. Албатта. Биласизми бу ғалабанинг сири нимада? Гап шундаки, Зизунинг шогирдлари орасида ҳурмати ва авторитети баланд! Айнан шу сабаб унинг кўрсатмаларини футболчилар икки ҳисса бажаришга ҳаракат қилишади
Дарҳақиқат, Балки Ковачга айнан ўша «авторитет» етишмаётгандир. Ким билади дейсиз?!
Ковачнинг номаълум услуби
«Бавария»га келганидан сўнг, «Голливуд»нинг ўйин услубини ўзгаришини мухлислар кутган эди, афсуски, ўйин услубида инқилобий ўзгариш кузатилмади. Жамоа ҳали ҳам Левандовскийга ўйнамоқда. Бавария ҳужумга ўтаётганда олдиндан ўйланган ҳеч қандай комбинация ёки тактик ҳужумларни амалга оширмаяпти. Футболчилар шунчаки вазиятга қараб импровизация қилишга мажбур бўлишмоқда. Бу эса ўз навбатида ҳужумда оқсашга олиб келмоқда. Ҳозирда замонавий футболда «Барселона», «Манчестер Сити», «Ливерпул» «Ювентус», «Тоттенҳем» сингари гранд жамоалар ўз ўйин услубига эга. Афсуски, ҳозирча «Бавария» бу жамоалар қаторида йўқ. Балки муаммонинг асл моҳияти ҳам шундадир?! Қачонки клуб ўз ўйин услубини йўлга қўймас экан, жиддий натижага эришишнинг иложи йўқ
Хулоса
«Бавария» клуби директориКарл - Хайнтс Румменигге Нико Ковачга ишонишда давом этишини қайта – қайта такрорламоқда. Ҳадемай ЧЛ плай – офф баҳслари бошланади. Агар, «Бавария» «Ливерпул»дан ўта олмаса, Нико Ковачнинг курсиси қатиқ қимирлаб кетиши аниқ. Биз эса воқеалар ривожини кузатишда давом этамиз.
Yahyoxo'ja Ulug'xo'jayev
Матнда хатолик топсангиз, ўша хатони белгилаб, бизга жўнатинг (Ctrl + Enter).
Хоразм
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
