Niko Kovach shogirtdlari «Bayer» jamoasidan 2 – fevral oqshomida alamli mag‘lubiyatni qabul qilib olishdi. Bu o‘zi shundoq ham alamzada muxlislarni g‘azabini qo‘zg‘atdi. O‘sha uchrashuvdagi mag‘lubiyatdan so‘ng, Myunxenlik muxlislarning aksariyatiKovachning iste’fosini talab qila boshlashdi…
«Bavariya» bu mavsumda Bundesligada g‘olib chiqish imkoniyatini tobora yo‘qotib bormoqda. «Bavariya» dagi avariyaning sababi nimada? Keling, tahlil qilib ko‘ramiz
Transfer oynasidagi sustkashlik
«Bavariya» azaldan kamharj jamoalar sirasiga kirishi sir emas. Nemis klubi o‘z skaut va akademiyasiga tayangan holda doimo Yevropada qudratli jamoalar sirasiga kirgan. Ammo, so‘nggi yillarda bu jamoa o‘yinida keskin pasayish kuzatildi. Ayniqsa, Yupp Haynkesning qayd etgan treblidan so‘ng, «Bavariya» Yevropada boshqa shov – shuv ko‘tarmadi… Haynkes davridagi Robben, Riberi, Noyer, Lam, Mandjukich, Shvaynshtayger singari jamoaning yuragi bo‘lgan o‘yinchilarning yarmi jamoada emas, qolganlarning esa yoshlari o‘tib qoldi.
O‘sha yirik g‘alabadan so‘ng «Bavariya» aytarli hech kimni harid qilmadi. («Real Madrid»da yulduzlik kasalligiga chalinib tarkibdan tushib qolgan Hames yoki 19 yoshli tajribasiz Sansheshni agar katta transfer deb bo‘lsa) Levandovskiyni qanday qo‘lga kiritishgani hammaga ayon.
Zamonaviy futboldan ortda qolmaslik uchun dunyodagi eng kuchli akademiya egasi sanalgan «Barselona» ham tez – tez haridlarni amalga oshirmoqda va zonalardagi kamchilikni shu yo‘sinda bartaraf etmoqda. «Real Madrid» jamoasi Ronaldo jamoani tark etgach, uning o‘rnini bosa oladigan futbolchini harid qila olishmadi va oqibatda natijalar ham sezilarli darajada tushib ketdi. To‘g‘ri, avvalari Yevropaning hamma klublari o‘z akademiyalariga tayanib rotasiyani amalga oshirshir edi, hozir esa vaziyat o‘zgargan. «Bavariya» o‘z darajasiga qaytishi uchun ekonom rejimni hech bo‘lmasa bir necha mavsumgao‘chirib qo‘yib harakat qilishi darkor!
U qadar «Avtoritet»ga ega bo‘lmagan murabbiy
Gvardiola, Anchelotti, Haynkes, Lui Van Gal singari futbol olamining o‘ziga xos ustunlari sanaladigan murabbiylardan so‘ng yosh va tajribasiz Niko Kovachni «Gollivud» a’zolari u qadar qiziqsh bilan kutib olishmagani aniq.
Joze Mouriniyoning aynan shu mavzuga oid qiziq fikrlaridan biriga e’tibor qarating
Jurnalist. «Real Madrid» ning ketma – ket CHL da g‘alaba qozonishida Zidanning hissasi katami? Joze. Albatta. Bilasizmi bu g‘alabaning siri nimada? Gap shundaki, Zizuning shogirdlari orasida hurmati va avtoriteti baland! Aynan shu sabab uning ko‘rsatmalarini futbolchilar ikki hissa bajarishga harakat qilishadi
Darhaqiqat, Balki Kovachga aynan o‘sha «avtoritet» yetishmayotgandir. Kim biladi deysiz?!
Kovachning noma’lum uslubi
«Bavariya»ga kelganidan so‘ng, «Gollivud»ning o‘yin uslubini o‘zgarishini muxlislar kutgan edi, afsuski, o‘yin uslubida inqilobiy o‘zgarish kuzatilmadi. Jamoa hali ham Levandovskiyga o‘ynamoqda. Bavariya hujumga o‘tayotganda oldindan o‘ylangan hech qanday kombinasiya yoki taktik hujumlarni amalga oshirmayapti. Futbolchilar shunchaki vaziyatga qarab improvizasiya qilishga majbur bo‘lishmoqda. Bu esa o‘z navbatida hujumda oqsashga olib kelmoqda. Hozirda zamonaviy futbolda «Barselona», «Manchester Siti», «Liverpul» «Yuventus», «Tottenhem» singari grand jamoalar o‘z o‘yin uslubiga ega. Afsuski, hozircha «Bavariya» bu jamoalar qatorida yo‘q. Balki muammoning asl mohiyati ham shundadir?! Qachonki klub o‘z o‘yin uslubini yo‘lga qo‘ymas ekan, jiddiy natijaga erishishning iloji yo‘q
Xulosa
«Bavariya» klubi direktoriKarl - Xaynts Rummenigge Niko Kovachga ishonishda davom etishini qayta – qayta takrorlamoqda. Hademay CHL play – off bahslari boshlanadi. Agar, «Bavariya» «Liverpul»dan o‘ta olmasa, Niko Kovachning kursisi qatiq qimirlab ketishi aniq. Biz esa voqealar rivojini kuzatishda davom etamiz.
Yahyoxo'ja Ulug'xo'jayev
Inter
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
