Брейтуэйт футбол тарихидаги энг кучли 4 футболчини айтди
"Барселона" ҳужумчиси Мартин Брейтуэйт футбол тарихидаги энг кучли ўйинчилар ҳақидаги фикрлари билан ўртоқлашди.
"Мен учун энг яхши дарвозабон — Петер Шмейхель. У шунчаки ватандошим бўлгани учун эмас. У фаолияти давомида кўплаб совринларни қўлга киритган. Уни футбол тарихидаги энг яхши посбон деб ҳисоблайман.
Ҳимоячилардан Карлес Пуйолни танлайман. Ҳимояда ўйнаб, сен ўз дарвозангни қўриқлаш учун бор кучингни берасан. У ҳамиша иштиёқ билан тўп тепган. Шунингдек, у ўз жамоасининг ҳақиқий етакчиси эди.
Ярим ҳимоячилар орасидан эса Зайниддин Зидан танлашни истардим. У бир футболчи қўлга киритиши мумкин бўлган барча совринларга эга чиққан. Масъулиятли вазиятларда у ҳамиша ҳал қилувчи ролни ўйнарди.
Энг яхши ҳужумчи — Роналдо. У ҳамиша менинг кумирим бўлган. у ақлбовар қилмас ишларни амалга оширар эди. Унга ўхшаган футболчини кўрмаганман", — деди Брейтуэйт "Diario Sport" нашрига берган интервьюсида.
Манба: soccernews.ru
Киритилди: 00:18, 05.03.2020. Ўқилди: 10209 марта. Фикрлар: 8 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар