Неймар ва Мбаппе туфайли Икарди «ПСЖ»ни тарк этиши мумкин
Ҳужумчи Мауро Икардининг «ПСЖ»даги тақдири номаълум бўлиб турибди. Бу ҳақда Sport Mediaset хабар тарқатди.
Манбага кўра, аргентиналик футболчи ёзда бошқа жамоага ўтиши мумкин. Боиси, Икарди ҳужумдаги шериклари Неймар ва Килиан Мбаппе билан яхши муносабат ўрната олмади. Шунинг учун парижликлар «Интер»дан ҳужумчининг трансфер ҳуқуқини сотиб олиш вариантидан воз кечмоқчи.
Икардининг трансфер нархи 75 миллион еврога тенг. У мазкур мавсумда «ПСЖ» таркибида 31та ўйинда майдонга тушиб, 20та гол урди ва 4та голга узатма берди. Мауронинг «Интер» билан шартномаси 2022 йилнинг ёзига қадар тузилган.
Манба: bombardir.ru
Киритилди: 21:15, 06.03.2020. Ўқилди: 7471 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар