Про лига 3-тури доирасидаги «Динамо» - «Хоразм» (3:1) ўртасидаги учрашувдан кейин Самарқанд клуби бош мураббийи Сергей Лушан ўйин ҳақидаги фикрлари билан ўртоқлашди.
— «Хоразм»га қарши ўйин осон кечмаслигини билардик, аммо бу даража оғир бўлишини кутмагандик. Жамоамизга ҳали ўзига бўлган ишонч етишмаяпти. Биз таклиф этган футболчилар атрофларида қандай жамоадошлари борлигини тобора тушуниб боришмоқда. 6 нафар футболчи таркибга келиб қўшилганига ҳали икки ҳафта ҳам бўлгани йўқ, улар билан машғулот жараёнида ҳали кўп ишлашимиз керак. Ўйинни ташкил этиш бўйича баъзи камчиликларимиз кўзга ташланмоқда, аммо жамоамнинг ўйиннинг охиригача қўлни туширмай курашгани менга ёқди. Ҳеч ким ўз чиғида қотиб қолгани йўқ. Вазиятлар борасида кўп ишлашимиз керак. Биринчи бўлимдаги 3та юз фоизли вазиятларни голга айлантира олмасак, кейинчалик бизда муаммо бўлиши мумкин. Очиғини айтсак, «Хоразм» жамоасига қарши уларнинг ўйинини ўрганмай тайёргарлик кўргандик. Энг асосийси янги жамоамиз билан илк ўйинимизда ғалаба қозонганимиздир.
— Янгиланган «Динамо» яхши ўйин билан дастлабки ғалабасини қўлга киритган бўлса-да, ўйин тугагани ҳамоноқ яна машғулот ўтказилаётгани нима билан боғлиқ?
— Охирги бир ярим ой ичида биз жамоа яратиш устида иш бошлаб, ҳали охиригача шакллантира олмадик. Футболчилар бир-бирини охиригача тушуна олишаётгани йўқ. Шунга қарамай, улар асосий кўрсатма ва талабларимизни бажара олишмоқда. Бугун ҳам оддий вазиятдаги хато туфайли гол ўтказиб юбордик. Шундай хатоларни машғулотлар орқали йўқота олсак, олдимиздаги вазифани уддалаш имконияти бўлади. Бизда ишлов бериш учун материал бор, бу жамоа. Умид қиламанки, яна 3-4 турдан кейин биз ўйин мазмунига эга жамоа пайдо бўлади. Ҳозирги машғулотлар эса жамоа эртага бемалол дам олиши учун. Ҳар ҳолда таркиб 1,5 ойдан буён кунига икки маҳалдан дам олмай машғулот ўтказди.
— Қўл остингизда йиғилган таркибдан қанчалик қониқдингиз?
— Биз таклиф қила олмай қолган футболчилар бор, аммо шунга қарамай нолисам гуноҳ бўлади. Биз учун энг фойдали бўлгани бу – Про лига ўйинларида катта танаффус юзага келгани бўлди. Орада таркибни жамлаб, имконқадар дам олишсиз ишлашга ҳаракат қилдик. Агар танаффус бўлмай, мен «Динамо»га келганимнинг 3-кунидаёқ ўйинларимиз бошланса, нима бўлишини тасаввур қилишга ҳам қўрқаман. Чунки ўшанда жамоа таркибининг ярмини ҳаттоки фамилиясини билмасдим. Ҳозирга келиб жамоа билан имконқадар ишладик. Қўл остимда юқори савияли ўйин намойиш этишга қодир бўлган яхши футболчилар жамланган. Айни дамда бизга натижа керак. Ҳозирча натижадан келиб чиқиб, ўйин кўрсатамиз.
Усмон Ибодов ёзиб олди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
