Stadion.uz яқиндагина бўлиб ўтган «"Globe Awards"» тақдирлаш маросими ҳақида атрофлича фикр алмашади.
«Globe Awards» ўзи нима?
Бу совринни 2010 йилдан бошлаб ҳар йили эгаларига топшириб келишмоқда. Бошқачароқ қилиб айтганда, йил давомида ўзини яхши кўрсатган футболчилар учун «Dubai D'ors» соврини топширилмоқда. Аслида, бу совриннинг илк эгалари сифатида футбол оламида у қадар кўзга ташланмайдиган шахслар танлаб олинган эди. Йилнинг энг яхши агенти - Жорже Мендеш, Мигел Анхел Тил - энг яхши спорт директори ва Адриано Галлиани эса, буюк хизматлари учун алоҳида совринга эга чиққан эди.
2011 йилдан бошлаб, «Globe Awards» тўлиқ шаклланди. Эндиликда, совриндорлар сони 6 тагача катталашди. Шундай қилиб, 2011 йилда Роналду сайёрамизнинг (Dubai D'ors нашри талқинга кўра) энг яхши футболчига айланади. Қўшимчасига, унга оав марказидаги энг машҳур шахс« ҳам деб топишди. Гап шундаки, бу тақдирлаш маросимини ташкиллаштиришда Жорже Мендеш асосий фигуралардан бири саналади. Мендеш пуллари кўп шайхлар ташкил этилаётган кечаларга футбол юлдузларини олиб келиш билан шуғулланади. Шу боис, уни инвесторлар сира хафа қилишмаяпти.
Бундан аввалги ғолиблари
"Globe Awards" соврини бу кунга қадар Роналду нақд 5 бор қўлга киритган эди. Бундан ташқари, совринни ўз вақтида Фалкао, Рибери, Месси ва Роберт Левандовскилар ҳам қўлга киритишга муваффақ бўлишган. «Олтин тўп»даги маш-машалардан сўнг, Роналду ўзини "Globe Awards"да анча эркин ҳис қилиши мумкин. Унинг бу совринлар борасида Месси билан умумий ҳисоби 6:1 га айланди.
Бу соврин нимаси билан қизиқ?
Бу йили совринни қўлга киритиш мақсадида Дубайга нафқат Роналду, балки Левандовски, Касьилас, Пике, Бутрегано ва Жанни Инфантиннолар ташриф буюришди. Маълумотларга қараганда, бу юлдузларнинг ташрифини шахсан Жорже Мендеш ташкил этади. Унинг ташаббуси эвазига, Дубай амирлари уни хурсанд қилишда давом этишмоқда. Қаҳрамонимиз, деярли 10 йилдан бери йилнинг энг яхши футбол агенти номини ҳеч кимга бермай келмоқда. Фақат бир маротаба Мино Райола бу совринга эга чиққан. Ўша йили у Пол Погбани »Манчестер Юнайтед«га ўтишини таъминлагани учун ҳам шу совринни ўзиники қилиб олган эди.
"Globe Awards" ни бу йил ким олди?
Ҳеч қандай сюрпризлар бўлгани йўқ. Ташкилотчилар қолганлардан бир бош баланд бўлган Роберт Левандовскини тақдирлашди. Барча йилнинг энг яхши футболчиси поляк бўлса, Роналду нега келгани билан қизиқиб қолди. Ташкилотчилар эса, совриннинг юзига айланиб улгурган Роналдуни алоҳида номинацияда тенгсиз деб топишди!
"Globe Awards"талқинга кўра аср футболчиси
Араб шайхлари 21-асрнинг эндигина 21 йили ортда қолган бўлсада, Роналдуни 100 йилликнинг энг яхши футболчиси деб эълон қилишди. Унга, махсус соврин топширилди. Тўғриси, олдинда 80 йил бўлишига қарамай, ҳеч ким Кришнинг натижаларини такрорлай олмаслигига ишонч ҳосил қилишган кўринади. Тўғри, бу номинацияга футболчини лойиқ деб бўлмайди, аммо бу соврин футболчининг мухлисларини 100 фоиз хурсанд қилди деб бўлмайди. Айниқса, Месси билан »олтин тўп«лар сони 5:6 бўлиб турган вазиятда.
"Globe Awards" талқинга кўра аср агенти
Сезганингиздек, бош ташкилотчи энди бошланган асримизнинг энг кучли футбол агенти деб эътироф этилди. Ўзи ўйлаб топган совринни ўзига топширилганида, агент жуда таъсирли сўзларни айтди. Бошқа футбол агентлари эса, турли ижтимоий тармоқларда португалияликнинг устидан кулишга уринди. Унинг айтишига қараганда, агар ишлар шу темпда кетса, яқин 10 йил ичида бу соврин »олтин тўп«дан ўзиб кетиши аниқ. Афсуски, бу совринни Жоржо Мендеш қабул қила олмади. У хизмат сафида бўлгани учун виртуал тарзда сўзга чиқди. Нима ҳам дердик, асримизнинг энг кучли агентининг ишлари кўп экан.
"Globe Awards" талқинга кўра асримизнинг энг кучли клуби
Бу совринга ташкилотчилар «Реал Мадрид»ни лойиқ кўришди. Бунга катта эҳтимол билан, кетма-кет 4 та ЕЧЛдаги ғалаба сабаб бўлган бўлиши мумкин. Тўғриси, бу танлов кўпчиликни ҳайрон қолдирмагани аниқ. Бу борада, «Барселона» мухлисларидан бошқа ҳеч ким баҳслашмаса керак.
«Globe Awards» талқинга кўра асримизнинг энг кучли мураббийи
«Реал Мадрид» совринга ҳақли топилгач, кўпчилик Зайниддин Зиданнинг номи янграшини кутган бўлса, ажаб эмас. Ташкилотчилар эса, футбол оламида кичик инқилоб қилган Пеп Гвардиолани кучлироқ деб ҳисоблашди. Бу танлов борасида ҳам ортиқча эътироз йўқ, аммо олдиндаги 80 йил ичида бошқа бир мураббий каттароқ инқилобни амалга оширмаслигига ҳеч ким кафолат бера олмайди. Испаниялик мутахассис ҳам Дубайга ташриф буюрмади. У АПЛнинг энг зич тақвими саналган кунларда жамоа билан бўлишга қарор қилди.
"Globe Awards" талқинга кўра йилнинг энг яхши мураббийи
The Best» совринини Юрген Клопп илиб кетган эди. Дубайдаги соврин эса, «Бавария» билан барча рекордларни янгилаган Диттер Фликка топширилди. «Бавария» мураббийи совринни қабул қилиб олиш мақсадида Дубайга келмаган эди. Шу боис, унинг эсдалик совғаларини ўзи билан Роберт Левандовски Мюнҳенга олиб кетадиган бўлди.
Фантастик футбол фаолияти учун
Катта эҳтимол билан, «Dubai D'ors» совриннинг омма орасида кенгроқ ёйилиши мақсадида шу номинацияни ташкил этди. Соврин «Реал» ва «Барса» афсоналари Икер Касьилас ва Жерар Пике Ўзининг кескин сўзлари билан ҳаммани эътиборида бўлган Пике ҳам «ўзбекчилик» қилди. «Еган оғиз уялар» деганларидек, ширин сўзларни аяб ўтирмади:
«Мен учун бу саҳнада туриш катта шараф! Биз Икер билан биргаликда ЖЧ ва Европа чемпионатида ғалаба қозонганмиз. Терма либосида бирга жанг қилганмиз. Роналду билан эса, «Манчестер Юнайтед» шарафини ҳимоя қилганмиз. Бу менинг фаолиятимдаги энг яхши дамлардан бири эди.”
Икер ўзига содиқ қолди ва совуққонликни йўқотмади. Маросим сўнггида, барча йиғилганлар умумий суратга тушди ва бу тезда ижтимоий тармоқларда кенг ёйилди. Айни дамда, кўплаб мухлислар аср футболчисига айланган Роналдунинг совринга ҳақли ёки ноҳақ эканлиги борасида фикр билдирмоқда. Сиз ҳам ўз фикрларингизни изоҳларда қолдиринг!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
