Янги мусобақа ташкил этилди – Конференция Лигаси. Ушбу мусобақа 2018 йилнинг декабрь ойида тасдиқланган эди, аммо Европа кубокларидаги айрим ўзгариш ва ислоҳотлар туфайли бироз муддатга тўхтатилганди.
Конференция Лигаси Чемпионлар Лигаси ва Европа Лигасидан кейинги учинчи турнир бўлиб, унда ҳар доим ЕЧЛ ва Европа лигасида қатнашиб ҳеч қандай натижа қайд этолмайдиган клублар иштирок этади.
2021/22 йилги мавсумдан бошлаб Конференция Лигаси саралаши бўлиб ўтади. Бу турнир Европанинг барча мусобақалари орасида энг узуни ҳисобланади. Ҳаммаси бўлиб – 286та учрашув бўлиб ўтади.
Янги мусобақа Чемпионлар Лигаси ва Европа Лигаси аралашмасига ўхшайди:
• Гуруҳ босқичида 32та жамоа.
• гуруҳ босқичи 6 турдан иборат.
• Гуруҳ ғолиблари – тўғридан-тўғри 1/8да қатнашади.
• Финал – Албаниянинг Тирана шаҳрида жойлашган «Арена Cомбетаре» стадионида бўлиб ўтади.
Ушбу саралаш ўйинларида Ирландия, Молдова, Албания, Финляндия ва бошқа мамлакатларнинг 32дан 50гача бўлган энг яхши жамоалари қатнашади.
Ушбу мусобақада кичик мамлакатларнинг имкониятлари жуда катта. Чунки Чемпионлар Лигасининг биринчи ёки иккинчи саралаш босқичларида мағлуб бўлганлар 15дан 51гача бўлган клублар бу ердаги Чехия, Кипр, Швейцария, Греция ва Сербия каби давлатларнинг жамоалари билан беллашади.
Конференциялар Лигасида кучли Топ 5 чемпионатларнинг олтинчи – еттинчи жамоаларни қатнашиши ҳам мумкин. Улар гуруҳ босқичидан олдинги саралаш босқичидан ўйинларга қўшилишади.
Гуруҳ босқичидаги учрашувлар Европа Лигаси гуруҳ босқичи билан бир кунда ўтказилади. Афтидан, бу ўйинлар сонининг кўпайиши туфайли траслатциялар учун муаммо туғдириши мумкин, лекин шундай қилинмаса бошқа мусобақаларга халақит бериб қолиши мумкин.
2021/22 йилнинг ёзидан бошлаб Конференция Лигасининг барча учрашувларига старт берилади(286 учрашув).
Матнда хатолик топсангиз, ўша хатони белгилаб, бизга жўнатинг (Ctrl + Enter).