Yangi musobaqa tashkil etildi – Konferensiya Ligasi. Ushbu musobaqa 2018 yilning dekabr oyida tasdiqlangan edi, ammo Yevropa kuboklaridagi ayrim o‘zgarish va islohotlar tufayli biroz muddatga to‘xtatilgandi.
Konferensiya Ligasi Chempionlar Ligasi va Yevropa Ligasidan keyingi uchinchi turnir bo‘lib, unda har doim YECHL va Yevropa ligasida qatnashib hech qanday natija qayd etolmaydigan klublar ishtirok etadi.
2021/22 yilgi mavsumdan boshlab Konferensiya Ligasi saralashi bo‘lib o‘tadi. Bu turnir Yevropaning barcha musobaqalari orasida eng uzuni hisoblanadi. Hammasi bo‘lib – 286ta uchrashuv bo‘lib o‘tadi.
Yangi musobaqa Chempionlar Ligasi va Yevropa Ligasi aralashmasiga o‘xshaydi:
• Guruh bosqichida 32ta jamoa.
• guruh bosqichi 6 turdan iborat.
• Guruh g‘oliblari – to‘g‘ridan-to‘g‘ri 1/8da qatnashadi.
• Final – Albaniyaning Tirana shahrida joylashgan «Arena Combetare» stadionida bo‘lib o‘tadi.
Ushbu saralash o‘yinlarida Irlandiya, Moldova, Albaniya, Finlyandiya va boshqa mamlakatlarning 32dan 50gacha bo‘lgan eng yaxshi jamoalari qatnashadi.
Ushbu musobaqada kichik mamlakatlarning imkoniyatlari juda katta. Chunki Chempionlar Ligasining birinchi yoki ikkinchi saralash bosqichlarida mag‘lub bo‘lganlar 15dan 51gacha bo‘lgan klublar bu yerdagi Chexiya, Kipr, Shveysariya, Gresiya va Serbiya kabi davlatlarning jamoalari bilan bellashadi.
Konferensiyalar Ligasida kuchli Top 5 chempionatlarning oltinchi – yettinchi jamoalarni qatnashishi ham mumkin. Ular guruh bosqichidan oldingi saralash bosqichidan o‘yinlarga qo‘shilishadi.
Guruh bosqichidagi uchrashuvlar Yevropa Ligasi guruh bosqichi bilan bir kunda o‘tkaziladi. Aftidan, bu o‘yinlar sonining ko‘payishi tufayli traslatsiyalar uchun muammo tug‘dirishi mumkin, lekin shunday qilinmasa boshqa musobaqalarga xalaqit berib qolishi mumkin.
2021/22 yilning yozidan boshlab Konferensiya Ligasining barcha uchrashuvlariga start beriladi(286 uchrashuv).