Дидье Дешам Франциянинг Евро-2020га чақирилган футболчилар рўйхатини эълон қилди. Биз янгиликлардан хабардор бўлиб турибмиз, аммо Карим Бензема таркибга қайтмоқда. Ҳа, бу ҳазил эмас!
Бенземанинг терма жамоадаги сўнгги ўйини 2015 йилнинг октябрида - 2049 кун олдин ўтказилган. Ўшанда французлар Арманистонни 4: 0 ҳисобида мағлуб этишди, Бензема эса дубл қайд этди ва Антуан Гризманнга голли пас берди.
Эслатиб ўтамиз, нега Бензема терма жамоада ўйнамади?
Матиу Валбуэнанинг шаҳсий ҳаётига оид видеоси билан боғлиқ жанжалдан кейин Карим терма жамоадан ҳайдалди ва бу ҳолат арманларга қарши ўйиндан бир ой ўтиб содир бўлди.
Тергов маълумотларига кўра, Бензема Матьёга тегишли бўлган видеоларни жиноятчиларга олиб беришда ёрдам берган - улар футболчидан шу туфайли пул талаб қилмоқчи бўлган.
“Карим мени ўзи ишонган дўсти билан таништирган, ўзи ишонадиган дўсти билан учрашишни илтимос қилди, аммо мен у қадар аҳмоқ эмасман, шунинг учун бу сўзларга шубҳа билан қарадим. Биламан, Бензема бу одам билан шунчаки кўришишни эмас, балки видеони йўқ қилиш учун пул тўлашимни истаган «, - деди Матьё "Le Monde" нашрига.
Хунук ҳикоянинг тафсилотлари
Кейин ҳатто француз сиёсатчилари ҳам Каримга қарши қурол кўтаришди. Франция бош вазири Мануэль Вальс Бенземага терма жамоада жой йўқлигини айтди. Натижада, Карим Евро-2016да қатнашмади ва бунинг учун Дидье Дешамни айблади.
«У Франциянинг ирқчи қисмининг босимига дучор бўлди. Спорт нуқтаи назаридан мен бу қарорни тушунмаяпман. Қонуний маънода - мен судланмадим, айбдор деб топилмадим, биз адолат қарорини кутишимиз керак.
Шундан сўнг, футбол федерацияси раҳбари Ноэл Ле Грей Бенземанинг терма жамоадаги фаолиятини якунлаши ҳақида гапирди. Бунга жавобан Карим Жазоир (унинг ота-онасининг ватани) футбол фуқаролигини олишга ҳаракат қилди, аммо бу жараён жуда мураккаб эди.
Шантаж иши, айтганча, ҳали ҳам ёпилмаган. Кузда Карим айбланувчилардан бири сифатида суд олдида пайдо бўлади, аммо энди унга Евро-2020 да тўп тепиш зарар қилмайди. Дешам январь ойида Бенземани кечирмаслигини айтган эди, аммо улар учрашишди ва Карим яна терма жамоада.
Қизиғи шундаки, қишда Дешам Бенземани жамоада кўришни истамади. Футбол сабаблари учун эмас, балки форвард мураббийни ирқчиликда айблагани учун:
«Бу менинг хотирамда қолади. Бироз вақт ўтгач, унутилган бўлса ҳам, мен буни ҳеч қачон унутмайман. Мураббийнинг танлови, тактикаси, техник жиҳатлари ҳақида гап кетганда - бу оддий нарса ва бу муҳим эмас, аммо бу ерда чизиқ кесиб ўтилди. У мени ва оиламни ёмонлади. Бу мен учун қабул қилиниши мумкин эмас », - деди Дидье "PMS Sport" нашрига берган интервьюсида.
Олти ойдан кам вақт ўтди ва Карим терма жамоада. Дешам бу фақат унинг қарори эканлигини тушунтирди:
«Расмий равишда мен бугун уни чақириш тўғрисида қарор қабул қилдим, аммо бу фикр менинг миямда бир мунча вақт яшади. Биз у билан учрашдик, узоқ суҳбатлашдик, кейин қаттиқ ўйланиб қарор қилдим. Учрашувимиз тафсилотларини ошкор қилмайман ва ким ташаббускорлиги ҳам муҳим эмас.
Менда масъулият бор - жамоанинг муваффақияти шахсий муаммолардан устун. Каримнинг келиши терма жамоадаги муҳитга таъсир қиладими? Менинг жавобим менинг қароримда. Агар, таркибда атиги 23 кишини танлаганимда ҳам, Карим унга кирган бўларди. "
Франция ўз ҳужумчилари билан муаммоларга дуч келмоқда. Бензема бу муаммоларни ҳал қилиши керак. Ғалати, аммо амалдаги жаҳон чемпионларида ҳужумчилар ўйинига мослашишда муаммолар мавжуд. Март ойидаги ўйинлар учун Дешам беш ҳужумкор футболчини таклиф қилди: Оливе Жиру, Килиан Мбаппе, Антуан Гризманн, Энтони Мартиал ва Виссам Бен Еддер. Мана энди Каримга ишонч билдирилди, у эса буни оқлаши керак. Катта эҳтимол оқлайди ҳам.
КАРИМ Худайқулов таржимаси
Матнда хатолик топсангиз, ўша хатони белгилаб, бизга жўнатинг (Ctrl + Enter).
Қўқон-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
