Didye Desham Fransiyaning Yevro-2020ga chaqirilgan futbolchilar ro‘yxatini e’lon qildi. Biz yangiliklardan xabardor bo‘lib turibmiz, ammo Karim Benzema tarkibga qaytmoqda. Ha, bu hazil emas!
Benzemaning terma jamoadagi so‘nggi o‘yini 2015 yilning oktyabrida - 2049 kun oldin o‘tkazilgan. O‘shanda fransuzlar Armanistonni 4: 0 hisobida mag‘lub etishdi, Benzema esa dubl qayd etdi va Antuan Grizmannga golli pas berdi.
Eslatib o‘tamiz, nega Benzema terma jamoada o‘ynamadi?
Matiu Valbuenaning shahsiy hayotiga oid videosi bilan bog‘liq janjaldan keyin Karim terma jamoadan haydaldi va bu holat armanlarga qarshi o‘yindan bir oy o‘tib sodir bo‘ldi.
Tergov ma’lumotlariga ko‘ra, Benzema Matyoga tegishli bo‘lgan videolarni jinoyatchilarga olib berishda yordam bergan - ular futbolchidan shu tufayli pul talab qilmoqchi bo‘lgan.
“Karim meni o‘zi ishongan do‘sti bilan tanishtirgan, o‘zi ishonadigan do‘sti bilan uchrashishni iltimos qildi, ammo men u qadar ahmoq emasman, shuning uchun bu so‘zlarga shubha bilan qaradim. Bilaman, Benzema bu odam bilan shunchaki ko‘rishishni emas, balki videoni yo‘q qilish uchun pul to‘lashimni istagan «, - dedi Matyo "Le Monde" nashriga.
Xunuk hikoyaning tafsilotlari
Keyin hatto fransuz siyosatchilari ham Karimga qarshi qurol ko‘tarishdi. Fransiya bosh vaziri Manuel Vals Benzemaga terma jamoada joy yo‘qligini aytdi. Natijada, Karim Yevro-2016da qatnashmadi va buning uchun Didye Deshamni aybladi.
«U Fransiyaning irqchi qismining bosimiga duchor bo‘ldi. Sport nuqtai nazaridan men bu qarorni tushunmayapman. Qonuniy ma’noda - men sudlanmadim, aybdor deb topilmadim, biz adolat qarorini kutishimiz kerak.
Shundan so‘ng, futbol federasiyasi rahbari Noel Le Grey Benzemaning terma jamoadagi faoliyatini yakunlashi haqida gapirdi. Bunga javoban Karim Jazoir (uning ota-onasining vatani) futbol fuqaroligini olishga harakat qildi, ammo bu jarayon juda murakkab edi.
Shantaj ishi, aytgancha, hali ham yopilmagan. Kuzda Karim ayblanuvchilardan biri sifatida sud oldida paydo bo‘ladi, ammo endi unga Yevro-2020 da to‘p tepish zarar qilmaydi. Desham yanvar oyida Benzemani kechirmasligini aytgan edi, ammo ular uchrashishdi va Karim yana terma jamoada.
Qizig‘i shundaki, qishda Desham Benzemani jamoada ko‘rishni istamadi. Futbol sabablari uchun emas, balki forvard murabbiyni irqchilikda ayblagani uchun:
«Bu mening xotiramda qoladi. Biroz vaqt o‘tgach, unutilgan bo‘lsa ham, men buni hech qachon unutmayman. Murabbiyning tanlovi, taktikasi, texnik jihatlari haqida gap ketganda - bu oddiy narsa va bu muhim emas, ammo bu yerda chiziq kesib o‘tildi. U meni va oilamni yomonladi. Bu men uchun qabul qilinishi mumkin emas », - dedi Didye "PMS Sport" nashriga bergan intervyusida.
Olti oydan kam vaqt o‘tdi va Karim terma jamoada. Desham bu faqat uning qarori ekanligini tushuntirdi:
«Rasmiy ravishda men bugun uni chaqirish to‘g‘risida qaror qabul qildim, ammo bu fikr mening miyamda bir muncha vaqt yashadi. Biz u bilan uchrashdik, uzoq suhbatlashdik, keyin qattiq o‘ylanib qaror qildim. Uchrashuvimiz tafsilotlarini oshkor qilmayman va kim tashabbuskorligi ham muhim emas.
Menda mas’uliyat bor - jamoaning muvaffaqiyati shaxsiy muammolardan ustun. Karimning kelishi terma jamoadagi muhitga ta’sir qiladimi? Mening javobim mening qarorimda. Agar, tarkibda atigi 23 kishini tanlaganimda ham, Karim unga kirgan bo‘lardi. "
Fransiya o‘z hujumchilari bilan muammolarga duch kelmoqda. Benzema bu muammolarni hal qilishi kerak. G‘alati, ammo amaldagi jahon chempionlarida hujumchilar o‘yiniga moslashishda muammolar mavjud. Mart oyidagi o‘yinlar uchun Desham besh hujumkor futbolchini taklif qildi: Olive Jiru, Kilian Mbappe, Antuan Grizmann, Entoni Martial va Vissam Ben Yedder. Mana endi Karimga ishonch bildirildi, u esa buni oqlashi kerak. Katta ehtimol oqlaydi ham.
KARIM Xudayqulov tarjimasi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
