Сильвио Берлускони: «Тевезни «Милан»да кўришни, шахсан мен истамаганман»
Италиянинг "Милан" клуби президенти Сильвио Берлускони кеча "Арсенал" устидан қозонилган ғалабадан сўнг Sky Sport нашрига интервью берди. Берлускони "Арсенал" устидан йирик ҳисобда ғалаба қозонган жамоасининг ўйинидан жуда хурсанд эканлигини таъкидлаб ўтди.
"Кечагидек ғалабадан сўнг ўзингни бемалол бахтли хис қилишинг мумкин. "Милан" европанинг энг кучли клубларидан бири эканлигини кеча исботлади. Бу жамоа нафақат Италия "А" серияси жамоалари билан, балки европанинг энг кучли клублари билан ҳам рақобатлаша олади. Таркибимизни етарли даражада кучайтира олдик деб ўйлайман",-дейди Берлускони.
"Милан" президенти интервью чоғида Тевез борасидаги савол-жавобларга ҳам ойдинлик киритиб ўтди.
"Тевез? Шахсан мен ҳеч қачон уни жамоада кўришни истамаганман. Таркибда Тевезнинг ўрнида ўйнай оладиган ҳужумчилар етарли, масалан Эль-Шараави ҳамда Макси Лопес. Ҳа, дарвоқе, Патони ҳам эсдан чиқарманг.",- дея Берлусконининг сўзларидан парча келтирмоқда Sky Sport.
Манба: www.goal.com
Берлускони жаноблари Патога ҳар доимгидек алоҳида урғу бермоқда.....
Киритилди: 18:53, 16.02.2012. Ўқилди: 9988 марта. Фикрлар: 2 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар