Бугун ЎФА биринчи вице-президенти Равшан Эрматов футбол ҳакамлигини ривожлантириш бўйича олиб борилаётган ишлар ва мавжуд камчиликларни таҳлилига бағишланган йиғилиш ўтказди.
Видеоанжуман шаклида ўтказилган йиғилишда ҳудудий ассоциацияларнинг вице-президентлари, инструкторлар, ҳакамлар ва назоратчилар иштирок этди.
Кун тартибига кўра, дастлаб ҳудудларда ҳакамларни селекция қилиш жараёни таҳлил қилинди. Равшан Эрматов ёш ҳакамларни ўқитиш, уларни катта учрашувларга руҳан тайёрлаш, тизимли равишда савиясини ошириб бориш борасидаги ишларни танқидий таҳлил қилди.
«Савиясиз ҳакамлик футболни ривожланишига тўсиқ бўлишини ҳаммамиз яхши биламиз, ҳамма ўз ишини сидқидилдан бажарса, футболимизни янги босқичга олиб чиқиш учун борини бериб ҳаракат қилса, албатта ўсиш бўлади. Ҳакамлик ҳам бевосита футболимизнинг бир бўлагидир. Шунинг учун янги етишиб чиқаётган ҳакамлар янгича фикрлашлари, футбол қонун-қоидаларини яхши билишлари, жисмоний тайёр бўлишлари, чет тилларини билиши ва ўз олдига юқори мақсад қўйиб, ўз устида доимий ишлаб боришлари шарт», — деди ЎФА биринчи вице-президенти.
Ҳар бир соҳада бўлганидек, ҳакамликда ҳам бугунги куннинг талаби — ишга масъулият ва профессионаллик билан ёндашиш, замонавий билимларни эгаллашда шижоатли бўлиш керак эканлиги таъкидланди.
Бундан ташқари, юртимизда йилдан йилга мусобақалар кўпайиб, ўйинлар сони ортиб бораётгани ёш ҳакамларга тажрибасини орттириш учун яхши имконият бериши, ҳар бир учрашувга билимли ва савияси юқори ҳакамларни тайёрлаш зарурлиги айтилди. Бу борада жойлардаги ҳакамларни селекция қилиш тизимини қайта ишлаб чиқиш биринчи галдаги вазифа эканлиги қайд этилиб, ҳакамлар етиштириб беришда оқсаётган ҳамда ишга режа ва таҳлил билан ёндашмаётган ҳудудлар танқид остига олинди.
Шунингдек, маҳорат мактабларини битираётган, бироқ футболчи бўлолмаган ёшларимизни профессионал ҳакам, ёки мураббийликка йўналтириш бойича ҳудудий вакилларга вазифалар белгиланди.
Йиғилишда ҳакамликни юқори даражада олиб чиқиш борасида махсус семинарлар ва курсларни давомли ўтказиб бориш, ҳар битта ҳудудда аёллар ҳакамлигини ривожлантириш ҳамда ёш ҳакамларни саралаб олишни кўпайтириш бўйича масъулларга топшириқлар берилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
