Bugun OʻFA birinchi vitse-prezidenti Ravshan Ermatov futbol hakamligini rivojlantirish boʻyicha olib borilayotgan ishlar va mavjud kamchiliklarni tahliliga bagʻishlangan yigʻilish oʻtkazdi.
Videoanjuman shaklida oʻtkazilgan yigʻilishda hududiy assotsiatsiyalarning vitse-prezidentlari, instruktorlar, hakamlar va nazoratchilar ishtirok etdi.
Kun tartibiga koʻra, dastlab hududlarda hakamlarni seleksiya qilish jarayoni tahlil qilindi. Ravshan Ermatov yosh hakamlarni oʻqitish, ularni katta uchrashuvlarga ruhan tayyorlash, tizimli ravishda saviyasini oshirib borish borasidagi ishlarni tanqidiy tahlil qildi.
“Saviyasiz hakamlik futbolni rivojlanishiga toʻsiq boʻlishini hammamiz yaxshi bilamiz, hamma oʻz ishini sidqidildan bajarsa, futbolimizni yangi bosqichga olib chiqish uchun borini berib harakat qilsa, albatta oʻsish boʻladi. Hakamlik ham bevosita futbolimizning bir boʻlagidir. Shuning uchun yangi yetishib chiqayotgan hakamlar yangicha fikrlashlari, futbol qonun-qoidalarini yaxshi bilishlari, jismoniy tayyor boʻlishlari, chet tillarini bilishi va oʻz oldiga yuqori maqsad qoʻyib, oʻz ustida doimiy ishlab borishlari shart”, — dedi OʻFA birinchi vitse-prezidenti.
Har bir sohada boʻlganidek, hakamlikda ham bugungi kunning talabi — ishga masʼuliyat va professionallik bilan yondashish, zamonaviy bilimlarni egallashda shijoatli boʻlish kerak ekanligi taʼkidlandi.
Bundan tashqari, yurtimizda yildan yilga musobaqalar koʻpayib, oʻyinlar soni ortib borayotgani yosh hakamlarga tajribasini orttirish uchun yaxshi imkoniyat berishi, har bir uchrashuvga bilimli va saviyasi yuqori hakamlarni tayyorlash zarurligi aytildi. Bu borada joylardagi hakamlarni seleksiya qilish tizimini qayta ishlab chiqish birinchi galdagi vazifa ekanligi qayd etilib, hakamlar yetishtirib berishda oqsayotgan hamda ishga reja va tahlil bilan yondashmayotgan hududlar tanqid ostiga olindi.
Shuningdek, mahorat maktablarini bitirayotgan, biroq futbolchi boʻlolmagan yoshlarimizni professional hakam, yoki murabbiylikka yoʻnaltirish boyicha hududiy vakillarga vazifalar belgilandi.
Yigʻilishda hakamlikni yuqori darajada olib chiqish borasida maxsus seminarlar va kurslarni davomli oʻtkazib borish, har bitta hududda ayollar hakamligini rivojlantirish hamda yosh hakamlarni saralab olishni koʻpaytirish boʻyicha masʼullarga topshiriqlar berildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
