Чирчиқдаги “Кимёгар” стадионида кечган “Бунёдкор-2” ва “Навбаҳор” жамоалари ўртасидаги учрашувида олий лига вакили ғалаба қозонди. Учрашувдан кейин Наманганликлар расмий сайти ўйин шарҳини расмий сайтига жойлаштирди. Қуйида ушбу шарҳ билан танишиб олишингиз мумкин.
Учрашув хусусида тўхталадиган бўлсак, футболчиларимиз асосан 90 дақиқа давомида устунликка эга бўлишди. Якуний натижа ҳам шунга яраша бўлди. Биринчи лига иштирокчиси ҳисобланмиш “Бунёдкор-2” жамоаси футболчилари ҳам “Навбаҳор”га жиддий қаршилик кўрсатишга уриниб кўришди. Аммо, мезбонлар учта тўпга бир бор жавоб қайтара олишди холос. Мавсумлар оралиғида “Навбаҳор” таркибидан ўрин олган тажрибали ҳужумчи Жаъфар Ирисметов кубок баҳсида ўзини кўрсатишга муваффақ бўлди. Ирисметов дастлаб Жўраевнинг бурчакдан ошириб берган тўпини майдон эгалари дарвозасига жойлаб қўйди.
Кейинчалик эса Илҳом Бойдедаевнинг тўп оширишидан кейин Ирисметов ўз услубида боши билан Зафар Сафаев дарвозасини нишонга олди. Биринчи бўлим якунланиши арафасида эса “қалдирғочлар” ҳисобдаги фарқни қисқартириш имкониятига эга бўлишганди. Айнан шундан кейин улар ҳисобни тенглаштиришга уриниб кўришди. Бироқ футболчиларимиз рақибга иккинчи бор имконият беришмади. Аксинча вакилларимиз Собир Ҳамидовнинг аниқ зарбасидан кейин учинчи бор муваффақият қозонишди.
Учрашувнинг кейинги вақти давомида ҳар икки жамоа аъзолари ҳам гол уриш учун имкониятларни яратишга уриниб кўришди. Лекин, ҳеч бир футболчига голга тортадиган вазиятлар юзага келмади. Ўйин якунланиши арафасида “Бунёдкор-2” футболчиси Умарилло Рамазанов Носиров қўриқлаётган дарвозани нишонга олганди. Бироқ, мезбонлар вакили Ботир Носировга нисбатан қўполлик ишлатганлиги сабабли гол инобатга олинмади. Шу тариқа “Навбаҳор” мамлакат кубогининг 1/16 финалини ғалаба билан бошлаб, навбатдаги босқичга йўл олди. Ушбу ютуқ «Навбаҳор»нинг 2012 мавсумдаги дастлабки ғалабаси сифатида тарихда қоладиган бўлди.
"БУНЁДКОР-2" - "НАВБАҲОР" - 1:3 (1:2).
Чирчиқ. “Кимёгар” ўйингоҳи.
Ҳакамлар: Ш.Пўлатов, С.Петров, С.Еремеев, Д.Пислигин.
Назоратчи – Р.Саидов.
Голлар: О.Ҳайдаров (36) - Ж.Ирисметов (7, 31), С.Ҳамидов (71).
«Бунёдкор-2»: 1. Зафар Сафаев, 4. Тўрабек Туропов, 8. Умарулло Рамазанов, 9. Ахрор Умаржанов, 10. Отабек Ҳайдаров, 11. Руслан Абдукаримов (Беруний Абдунабиев, 64), 15. Зокир Нурматов, 17. Рустам Азимов, 18. Шерзод Мусаев (3. Сирожиддин Аллаев, 34), 19. Нодир Отажонов (Хуршид Ғиёсов, 56), 22. Азамат Юлдашев.
«Навбаҳор»: 12. Ботир Носиров, 13. Тимур Султонов, 4. Қаҳрамон Маҳаммаджанов, 5. Максим Белих, 17. Илҳом Бойдедаев, 10. Алишер Маҳмудов, 22. Азим Аҳмедов (18. Элмурод Низомбоев, 28), 20. Ғайрат Жўраев, 9. Собир Ҳамидов, 11. Жаъфар Ирисметов (15. Аъзам Алиев, 78), 23. Абдумалик Абдуллаев (Абдулазиз Султанов, 63).
Огоҳлантиришлар: Қ.Маҳаммаджанов, Э.Низомбоев.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
