«Арсенал» сўнгги икки йил давомида кераксиз футболчиларини сотиш орқали 101 миллион фунт фойда кўрган. 2019 йилнинг декабрида олиб келинган Микель Артетага катта пул оладиган, аммо кераксиз деб ҳисобланган аъзоларни аста-секин «тозалаш» вазифаси ҳам юкланганди. Қуйида ҳозирга қадар амалга оширилган айрим «in-out»лар ҳақида сўз боради.
«Арсенал» ўтган мавсум бошида Давид Луис билан хайрлашганди. Ундан олдин эса Виллиан билан. Бу орқали клуб ҳафтасига 290 минг фунтни тежаб қоладиган бўлди. Сеад Колашинац ҳамда Калум Чеймберслар ҳам сотиб юборилади. Улар «Марсель» ҳамда «Астон Вилла»га йўл олишди. Бу ҳам жамоага анча фойда берди. Собиқ сардор - Обамеянгни қўйиб юбориш орқали эса йилига 16 миллион фунт сақлаб қолинди. Шунингдек, бу ёзда Маттео Гендузи «Марсел»га 9 миллион фунтга пулланди. Лукас Торрейра эса «Галатасарай» учун 5 миллион фунтга тушфи. Бернд Лено маҳаллий клуб бўлгаб «Фулхэм»га 8 миллион фунтга сотилди. Мана шундай қилиб, секин-асталик билан Артета жамоа таркибини оптималлаштирди.
Статистик маълумотларга кўра, «Арсенал» 2021 йилнинг ёзидан бери футболчиларни сотиш орқали жами 101 миллион фунт ишлаб олган. Бу миқдор, энг катта харид бўлган Жо Уиллокнинг кетиши сабаб анча кўпайган. Ярим ҳимоячи бир йил олдин «Ньюкасл»га 25 миллион фунтга трансфер қилинганди. Ўтган мавсум давомида Торрейра ҳамда Мейтленд-Найлз ижарага берилганди. Бу эса «Арсенал»га 2 миллион фунтдан ортиқ фойда олиб келган. Жамоа ҳимоячилари бўлган Константинос Мавропанос ҳамда Дэниел Баллард «Штутгарт» ҳамда «Сандерленд»га жами 5 миллион фунтга сотиб юборилганди. Шундай қилиб, клубнинг олган фойдаси 101 миллионни ташкил этди. Ундан 62 миллиони футболчиларнинг маошидан тежалган бўлса, 39 миллиони бевосита уларни сотиш орқали тўпланган.
Ҳа, жамоа бу орқали 101 миллион ишлагандир. Аммо «Арсенал»нинг икки мавсум давомида сарфлаган пули икки баробар кўпроқдир. Клуб Англияда пул сарфлаш борасида икки мавсумдан бери етакчига айланди. Микель Артета ҳозиргача футболчи олиб келиш учун 218 миллион фунтдан воз кечди. Бу эса «Челси»никига қараганда 1 миллионга кўпдир. Шунга қарамай, «Челси» 1 сентябрга қадар «Арсенал»ни ортда қолдириши тахмин қилинган.
«Арсенал» 218 миллионни қаерга сарфлади деган савол туғилиши табиий, албатта. Пул қуйидаги футболчиларни олиб келишга сарфланди: Бэн Уайт (50 миллион), Габриэл Жезус (45 миллион), Олександр Зинченко (32 миллион), Фабиу Виейра (34 миллион) ҳамда Мартин Эдегор (30 миллион). Бу трансферларнинг ҳаммаси «Арсенал»ни, ўзининг тарихий макони бўлган ЕЧЛ футболига қайтариш учун қилинди. Айтиш муминки, жамоа танлаган стратегияси аста-секин ишлашни бошлади. Буни айни дамда «Арсенал»нинг АПЛ етакчиси бўлиб турганидан ҳам кўришимиз мумкин.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
