«Зукко мухлис» викторинаси
Аввал хабар қилганимиздек, “Насаф”нинг ашаддий ишқибозлари орасидан энг фаол ва зукко мухлисни жамоамиз иштирокидаги учрашув кунлари аниқлаб, уларга қимматбаҳо эсдалик совғаларни топиширишни мақсад қилгандек.
Хабарингиз бор, 26 август якшанба куни “Насаф” футболчилари Қарши шаҳрида мамлакатнинг амалдаги чемпиони Тошкентнинг “Бунёдкор” жамоаси билан куч синашади. Ушбу учрашув танаффусида “Насаф”нинг қашқадарёлик энг ашаддий мухлиси махсус соврин билан тақдирланади. Бу танловда ғолиб чиқиш жуда осон бунинг учун сиз қуйида бериладиган “Насаф” жамоаси тарихига оид 10 та саволга тўғри ва аниқ жавоб берсангиз кифоя. Демак, cаволлар билан танишинг:
1. 1986 йилги футбол мавсумида «Геолог» (ҳозирги “Насаф”) жамоаси ўзи иштирок этган турнирда қандай натижани қайд этган?
2. 1995 йилги мавсумда биринчи лигада иштирок этган “Насаф” жамоасини қайси мураббийлар бошқарган?
3. Ўзбек футболида ўзига хос ном қозонган футболчи Тўлаган Исоқов нечанчи йилда “Геолог” (ҳозирги “Насаф”) жамоасида мураббий сифатида фаолият юритган?
4. “Насаф” футболчилари Олий лигадаги қайси мавсумда ўз тарихларидаги энг яхши натижага эришишган?
5. “Насаф” тарихидаги энг яхши тўпурар ҳисобланган Зафар Холмуродов қайси мавсумда энг кўп тўп киритган?
6. Айни пайтда “Насаф” тўп тепадиган “Марказий” стадионда қаршилик футболчилар илк ўйинни қайси жамоага қарши ўтказишган ва унда қандай ҳисоб қайд этилган?
7. “Насаф” футболчилари ўз тарихларида илк марта иштирок этган Осиё чемпионлар кубоги мусобақасида дастлабки ўйинни қайси жамоага қарши ўтказган?
8. “Насаф” айни пайтда олий лигада иштирок этаётган қайси жамоани умуман мағлуб эта олмаган?
9. Айни пайтда Олий лигада иштирок этаётган қайси жамоа ўзаро ўйинларда умуман “Насаф”ни енга олмаган?
10. “Насаф” ўз тарихида илк марта мамлакат чемпионатида совринли ўринларни қайси мураббий билан қўлга киритган?
Кўриб турганингиздек, саволлар у қадар муракааб эмас. Синчков мухлислар бу саволларга жавоб бера олишлари мумкин. Сиз саволларга жавобни 26 август куни соат 10:00 га қадар info@fcnasaf.uz электрон манзилига ўзингиз ҳақингиздаги тўлиқ маълумот (исми шарифингиз, турар жой ва телефон рақамингиз) билан биргаликда жўнатасиз. Саволга биринчи бўлиб тўғри ва аниқ жавоб берган иштирокчига “Насаф” - “Бунёдкор” учрашуви танаффусида клуб томонидан таъсис этилган махсус қимматбаҳо совға топширилади.
Манба: www.fcnasaf.uz
Киритилди: 14:26, 24.08.2012. Ўқилди: 4348 марта. Фикрлар: 10 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
