"Локомотив" - "Бухоро" жамоалари ўртасидаги ўйиндан (2:1) кейинги матбуот анжумани дастлаб "Бухоро" жамоаси бош мураббийи Тажмурад Агамурадов иштирок этди.
— "Локомотив"ни ғалаба билан табриклайман. Бизнинг олдинги чизиғимизда кескинлик етишмади. Баҳриддин Ваҳобов бугун бурнидан олган жароҳати билан ўйнади. Шунинг учун эҳтиёткор бўлиб ҳаракат қилди. Тенг ўйинда омад кўпроқ "Локомотив"га кулиб боқди, — ўйин ҳақидаги фикрларини билдирди Т.Агамурадов.
— Тажмурад Шамакович, менинг шахсий фикримча, бугун жамоангиз жуда ҳам ютқазишни истади. Мураббий сифатида сиз ҳам ютқазишни истадингизми? Айниқса, иккинчи гол циркчасига урилди (журналист Бобомурод Абдулла саволи).
— Сиз нимага асосланиб бунақа деяпсиз? Биз ютқазишни истаганимизда Тошкентга келмаган бўларди. Сизлардан фарқли равишда, мен нафақат иккинчи гол урилган вазият, балки ҳар бир вазиятни таҳлил қиламан. Олдин ўйиннинг видеоёзувини кўриб чиқишим лозим. Бу савол орқали сиз мен ҳақорат қилдингиз.
— Мен ҳақорат қилмадим. Мен ўз фикримни билдириб, сизга савол бердим.
— Мен сизга: "Сиз ақлсизмисиз?" деб савол берсам, сиз буни ҳақорат сифатида қабул қиласизми?
— Саволингизга жавоб бераман. Ақлсиз эмасман.
— "Бухоро" атайлаб ютқазган деган фикрингизни исботланг унда.
— Иккинчи гол урилаётган пайтда ҳимоячилар Зайниддин Тожиевга томошабин бўлиб туришди. Биринчи голда ҳам Шибамура тўп учун курашмади ва дарвозабон ҳам ушлаб олса бўладиган пайтда, тўпни ўтказиб юборди.
— Шибамура тўп учун курашди, дарвозабон ҳам тўпга ташланди, аммо ушлай олмади. Агар дарвозабон биринчи голни атайлаб ўтказиб юборган бўлса, у пенальтини нима учун қайтарди?
— Тасодифан ўша томонга ташланганди, тўп қўлига келиб тушди.
— Демак, пенальти тасодиф, биринчи гол атайлаб қилинган а?
— Яна бир фактга нима дейсиз? Жамоангиздаги 2 нафар футболчидан 3тадан сариқ карточка бор эди ва бугун айнан улар сариқ карточка олишди.
— Ҳа, улар бугун сариқ карточкани атайлаб олишди. Улар кейинги ўйинни ўтказиб юбориб, "тозаланиб" олишганидан кейин кейинги ўйинларда бизга керак бўлишади. Мавсум охирида бизни шиддатли баҳслар кутмоқда. Олий лигада жон сақлаб қолиш осон бўлмайди.
Бошқа журналист навбатдаги саволни бермоқчи эди, Тажмурад Агамурадов асаби бузилганча матбуот анжуманини тарк этди. Ваҳоланки, матбуот анжуманига кириб келганида унинг кайфияти яхши эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
