Футзал бўйича Ўзбекистон аёллар терма жамоаси Эрон йиғини доирасида иккинчи ўртоқлик учрашувини ўтказди.
Футзал бўйича Ўзбекистон аёллар терма жамоаси, ўқув-машғулот йиғинлари ва назорат учрашувларини ўтказиш мақсадида, 16 ноябрь куни Эронга жўнаб кетган эди. Келишувга кўра, Ўзбекистон терма жамоаси сафар давомида футзал бўйича Эрон аёллар терма жамоасига қарши учта ўйин ўтказиши керак. Дастлабки учрашув 18 ноябрь куни ўтказилиб, унда Аваз Максумов шогирдлари 2:7 ҳисобида имкониятни бой беришганди.
Футзал бўйича Эрон ва Ўзбекистон аёллар терма жамоадари ўртасидаги иккинчи баҳс биринчисига нисбатан анча қизиқарли, шу билан бирга, муросасиз ўтди. Буни ўйиннинг биринчи бўлими 2:2 ҳисобидаги дуранг билан якунига етганидан ҳам билиб олса бўлади. Учрашувнинг бундай бориши кўпчиликни ҳайрон қолдиргани рост. Бироқ, иккинчи бўлимда эронлик футзалчиларнинг тажрибаси, бундан ташқари, «ўз майдонингда деворлар ҳам қўллайди» ақидасининг иш бериши натижасида футзал бўйича Ўзбекистон аёллар терма жамоаси ўйинни 3:6 ҳисобида бой берди.
«Эрон терма жамоасига қарши иккинчи ўйинда бизга нафақат футзалчилар, балки ҳакамлар ҳам қаршилик қилишди. Бу биз учун бир мактаб бўлди. Аммо, футзалда ҳам томошабинларни алдаш қийин. Шунинг учун бўлса керак, йиғилган барча томошабинлар ўйиндан кейин чиройли ўйин ва матонатли қаршилик учун ўзбекистонлик футзалчи аёлларга ташаккур билдиришди», - дейди ўйиндан кейин футзал бўйича Ўзбекистон аёллар терма жамоаси бош мураббийи Аваз Максумов.
Фотосуратга изоҳ
Эрон ислом республикаси – жамоат жойларида аёллар бошда рўмол билан юриши расман жорий этилган камсонли мамлакатлардан биридир. Ушбу қоида нафақат мамлакат фуқароларига, балки Эрон ҳудудига кирган бошқа чет эл мамлакат фуқароси бўлган аёлларга ҳам тааллуқлидир. Шундан келиб чиқиб, 2012 йилнинг июль ойида футбол қоидаларига маъсул бўлган IFAB ташкилоти 2007 йилда ФИФА томонидан жорий этилган – футбол мусобақалари вақтида аёлларга рўмол билан майдонга тушишни тақиқловчи қоидани бекор қилганди. Қайд этиш жоиз, ФИФАнинг айнан шу тақиқи сабаб футбол бўйича Эрон аёллар олимпия терма жамоаси 2012 йилги Лондон Олимпиадаси саралашида иштирок этишдан бош тортганди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
