АПЛ, шу номни олганидан бери футбол дунёсидаги энг кучли ҳужумчиларга макон бўлди. Бу нарса ҳозир ҳам давом этиб келмоқда. Шу сабабли, лигадаги ҳимоячиларга осон бўлмайди. Қуйида сиз билан қай бир клуб АПЛ тарихида энг узоқ вақт ўйинларни голсиз тарк этмаганини ўрганишга ҳаракат қилиб кўрамиз.
6. "Манчестер Сити" – 2018 йил декабрдан 2019 йил октябргача
Албатта, Гвардиола жамоасининг даражасини ҳамма билади. Шунга яраша бу клубнинг статистикаси ҳам жуда юқори. "Манчестер Сити" 2018-2019 йиллар давомида кетма-кет 29 та баҳсни голсиз тарк этмаган. Бу серия 2018 йилнинг декабрида "Челси"га учралган 2-0 ҳисобидаги мағлубиятдан кейин бошланган эди. 29 та ўйинда гол уришдан ташқари, ўшанда, "шаҳарликлар" 15 баҳсда кетма-кет ғалабага ҳам эришади. Ушбу 29 талик голли серияда Гвардиола шогирдлари жами 77 та голга муаллифлик қилган. Серияни эса 2019 йилнинг октябрида "Etihad" стадионида "Вулверхэмптон" тугатганди(0-2).
5. "Тоттенхэм" – 2023 йилнинг мартидан то ҳозиргача
"Тоттенхэм" 10 ой давомида жами 29 та баҳсда рақиб дарвозасига тинмай йўл топиб келмоқда. Кейинги баҳсда гол уриш орқали "Манчестер Сити"дан ўтиб кетиш мумкин. Шунингдек, бу нарса барча даврлар учун мўлжалланган рўйхатда 5 ўринга кўтарилиб олиш имконини беради. Ҳозирги серияни "Тоттенхэм" тарихида 4 та турли хил мураббий қайд этиб турибди. Конте март ойида бошлаб берган бўлса, буни кейинчалик Кристиан Стеллини, Райан Мейсон ва Ангелос Постекоглу давом эттириб келмоқда. 29 та баҳсда 9 бор мағлубиятга учралган бўлишига қарамай, гол уриш, "Тоттенхэм"га муаммога айланганича йўқ.
4. "Брайтон" – 2023 йил мартдан 2023 йил декабргача
Афсуски, "Брайтон"нинг 32 та ўйинлик голли серияси якунига етди. Бунга "чағалайлар"нинг "Арсенал" майдонида учралган мағлубияти сабаб бўлган эди. 17 турда Роберто Де Зерби тўпчилар майдонида ўз жамоасини ўта заиф ҳолда кўрди. "Брайтон" "Арсенал"га қарши баҳс давомида 1 та зарба бера олди холос.
Жанубликларнинг серияси эса март ойида "Вест Хэм"га қарши 4-0 билан тугаган ўйиндан бошланганди.
3. "МЮ" – 2007 йил декабрдан 2008 йил ноябргача
2007/2008 йилги мавсум "қизил иблислар" учун АПЛ ва ЕЧЛдаги муваффақият билан якунланади. Бу давр ичида "МЮ" 36 та ўйинда қаторасига гол уришга эришади. Серия "Фулхэм" майдонида Криштиану Роналдунинг дубли билан бошланиб, бир йилдан кейин "Астон Вилла"г қарши нурсиз дуранг билан якун топганди.
2. "Ливерпуль" – 2019 йил мартдан 2020 йил февралигача
"Ливерпуль" ҳам худди "МЮ" каби 11 ой давомида жами 36 та баҳсда гол уришга эришган. Голли серия эса 2019 йилнинг мартида "Бёрнли"га қарши 4-2 ҳисобидаги ғалаба билан бошланади. Мавсум давомида фақат 1 та ўйинда мағлуб бўлганига қарамай, Клопп шогирдлари "Манчестер Сити"га чемпионликни бериб қўяди. 2020 йилнинг февралида "Уотфорд" мерсисайдликлар сериясига йирик ҳисобдаги ғалабаси билан якун қўяди (0-3).
1. "Арсенал" – 2001 йилнинг майидан 2002 йил декабригача
"Арсенал"нинг 55 талик серияси яқин орада қайсидир клуб томонидан маҳв этилиши жуда қийин масала. Тўпчилар йигирма биринчи аср аввалида бир ярим йил давомида ҳар қайси баҳсда гол уриб келади. Ушбу серия 2001 йилнинг майида "Саутгемптон"га қарши 3-2 ҳисобидаги мағлубият билан бошланади. "Манчестер Юнайтед" эса 2002 йилнинг декабрида лондонликлар устидан қозонган ғалабаси билан буни тугатади. 55 талик серия мобайнида Арсен Венгер шогирдлари жами 117 та гол уришга эришган.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
