Мадриднинг "Атлетико" клуби ва Испания терма жамоаси ҳужумчиси Альваро Мората фаолиятидаги қийинчиликлар ҳақида гапирди.
"Мен тубга тушдим ва сочиқни ташлашни ўйладим. Бу ҳақда кўп гапиришни истамайман... Худди ҳар доим баҳона топаётганга ёки шикоят қилаётганга ўхшайман. Бу ҳурмат масаласи.
Мен кўчада оилам билан кўп эпизодларни бошдан кечирдим. Қанчалик нохуш эпизодларга чидашингиздан қатъий назар, болалар билан супермаркетга кетаётганимда ёки машғулотларга олиб борганимда, бу менинг кундалик ишим эди. Мени жуда кам одам билади. Умрим давомида учратган кўп инсонлар эса улар билан учрашганимдан кейин мен ҳақимда ўз фикрларини ўзгартирдилар.
Мен сочиқни ташлаш ҳақида кўп марта ўйладим, лекин охирида мен болаларимга ўз воқеамни айтиб берсам, уларга ўргатишим мумкин бўлган энг яхши нарса - мен кўп марта эсдан чиқарилганман, лекин якунда мен яхши бўлишни уддалаганман. Мен бундан фахрланаман" - деди Мората.
Олдинроқ испаниялик футболчи "Атлетико"да қолиш-қолмаслигини билмаслигини айтганди. Альваро Испания билан биргаликда 30 июнь куни Евро-2024 1/8 доирасидаги Грузия терма жамоасига қарши ўйнайди.
Жорий мавсумда 31 ёшли форвард 48 ўйин ўтказиб, 21 гол урди ва 4 голга ассистентлик қилди.
Матнда хатолик топсангиз, ўша хатони белгилаб, бизга жўнатинг (Ctrl + Enter).