1) ЖЧ-2014 саралашида терма жамоамиз иштирокидан кўнглингиз тўлдими?
ЖЧ-2014 саралаш босқичининг дастлабки қисмларидан бир менигина эмас балки бутун Ўзбекистонлик футбол муҳлисларнинг кўнгиллари тўлган десам адашмайман. 4-саралаш босиқичига келиб эса жамоамиз гуруҳда фаворитлардан бири сифатида эътироф этилди. Футболимиз тарихида биринчи бор Жахон чемпионатининг хал қилувчи финал босқичига йўлланма олишга жуда яқин келдик. Аввалги йиллардаги босқичларда плей офф йўлланмаси учун курашишни орзу қилган бўлсак бу сафар футболчиларимиз томонидан кўрсатилган ўйинлар ва натижалар бизни футбол мухлисларимиз учун энг ширин орзу бўлган финал босқичини тақдим этиши мумкин эди. Умуман олганда мен футболчиларимизни йўлланмага мос харакат қилди деб айтган бўлардим. Бу босқични икки ўйинида футболчиларимиз Япон хакамларининг хатолари эвазига ўта қиммат очколарни бой беришди. Шундай бўлсада хали футболимиз тарихида бўлмаган 14 очкони олишни ўзиёқ катта ютуқ бўлди.
2) Тўғридан-тўғри йўлланманинг қўлга киритилишига нима ҳалақит берди?
Йўлланма учун халақит қилган ҳолатлар менимча талайгина. Биринчиси 3-саралаш босқичининг сўнги турларида МТЖмиз мураббийлари томонидан қилинган нопрофессионаллик ҳолати. Эсингизда бўлса “сариқ”лардан “тозаланиш” операцияси ФИФА томонидан қаттиқ жазоланди. Бу эса кейинчалик Эрон билан бўлган биринчи ўйинда ўзини салбий таъсирини ўтказди. Айтишингиз мумкин, Японияни уйида мағлуб қилганмиз деб. Лекин уларга хам бизга хам ўта муҳим аҳамият касб қилмайдиган ўша ўйинда босимсиз ўйнаган ва асосийга киришга умидвор бўлган ёшларнинг ёниб тўп суришлари бизга ажойиб ғалабани тақдим қилган. Иккинчиси футболчиларимизнинг жисмоний тайёргарлиги. Очиғини айтиш керак футболи юксак тараққий этган чемпионатларда футболчиларнинг хар бир холатини аниқ хисоб-китоб қилишади. Техникадан кўра жисмоний ҳолатига эътибор қратишади. Шу сабабли хам у ерда тўп сурувчи хар бир футболчи жисмонан бақувват бўлади. Бунда ўша ердаги футболчиларнинг бир меъёрда витаминларни исъмол қилишлари билан боғлиқ. Ж.Қореа ва Эрон терма жамоаларида тўп сурувчи аксарият футболчиларнинг жисмоний холати хам айнан шунинг учун бошқа футболчилардан юқорироқ бўлди. Бизда эса фақатгина Одил Аҳмедовгина ушбу параметрга тўғри келди. Афсуски унинг ўтган мавсум охирида олган жарохати туфайли унда хам анча пасайиш юзага келди. Бундан ташқари “юлдузли” чемпионатларда тўп сурган футболчида нисбатан ўзига нисбатан ишонч юқори бўлади. Ва бу айнан хал қилувчи ўйинларда ўзини кўрсатади. Учинчиси терма жамоамизга етарли номзодларни етишмаслиги. Бош мураббий учун танлов кенглигини камлиги бу фожеа бўлса керак. Салкам икки йилдан буён яққол порлаб чиқаётган футболчиларни умуман билмаяпмиз? Буни айбдори МТЖ мураббийларимас, аммо Олий лигамизни кузатар экансиз ярқ этиб кўзга ташланадиган биронта хам футболчи йўқ. Хаттоки бор эътиборини ёшларга қаратаётган “Пахтакор”да хам сўнги уч йилда бирон бир етакчи футболчини кўрмадик. Бундай кадрларни етишмаслиги терма жамоамиздаги айрим “штатний” футболчилар учун зарарга ишлади. Улар ўзларини устида ишламай қўйди. Уларда ўтган мавсумга нисбатан пасайиш юзага келди. Тўртинчиси хакамлар. Бу борада хар қанча гапирсак бўлади. Лекин негадир бу сафар хам йўлимизга айнан “ЯПОН” хакамлари тўғоноқ бўлганини хазм қила олмаяпман. Бунга қарши хеч қандай чора кўрилмаганлиги эса икки ҳисса жахлимизни чиқаряпти. Бешинчиси мени наздимда МТЖ учун етарли шароитлар яратиб берилмади. Хал қилувчи босқичнинг ҳал қилувчи дамига келиб терма жамоамиз учун кўнгилдагидай шароитлар яратилмади. Ўртоқлик ўйинлари кам ташкил қилинди. Кореага белгиланган кундан кечикиб борилди. Бу эса ўз-ўзидан бизни охирида йўлланма учун яна 4 ўйин ўтказишимиз лозимлигини кўрсатиб қўйди. Олтинчиси ташқи омиллар таъсирига жим қараб туришлик. Эрон йўлланмани ютди. Бунинг учун улар йилт этган хар қандай умиддан фойдаланди ва ғолиб бўлди. Биз эса ФИФА нима деса хўп деб турдик холос. Мираброр Зуфарович ўз кучимиз билан чиқамиз деб баралла айтди, тўғри бу бизнинг ўзбек миллати ғурурига хос холат. Аммо тангани иккинчи томони бизнинг зараримизга ишлади. Агарда Ж.Кореа-Эрон уйини биздан олдин якунланган бўлганида ишонаманки жамоамиз Қатар дарвозасига яна иккита тўп кирита олган бўларди. Еттинчиси, аслда буни яққол сабаб сифатида келтира олмайман, бироқ айтмасам бўлмайди. Ҳалқимизда “Дуони юзлаб олсанг кам, яримта қарғиш олсанг хам кўп” деган мақол бор. Тўғри хеч ким терма жамоамизни ёмон бўл деб айтмади. Аммо сўнги икки ўйин учун сотилган билет муаммосидан кейин аксарият аламда қолган мухлислар алам аччиқ устида ўзлари хохламаган тарзда терма жамоага нисбатан оғриниш бўлди. Эҳтимол хаммаси жойида бўлганида Ливанни йирикроқ ҳисобда мағлуб қилган ёки Қатр билан ўйиннинг биринчи бўлимда биз камида 2-0 хисобида олдинда борган бўлармидик. (икки марта “штанга” ва уларнинг голида Жепаровга етказилган тўпнинг рақиб фойдасига ишлаши) Буларнинг бари тахмин, барчаси Яратганга боғлиқ, аммо, бироқ, лекин...
3) Энди нима қилиш керак, деб ўйлайсиз?
Энди нима қилишимиз керак? Рустам Акромовнинг берган интервьюсида айтишича, МТЖмиз саралаш учун хаммасини яна бошидан бошлаши керак. Қўшиламан, зудлик билан қолган ўйинлар учун қаттий чора-тадбир ишлаб чиқиш керак. Аввалги босқичларда йўл қўйилган хатоларни бартараф қилиш шарт. Миржалол Қосимов ҳам фақат терма жамоа билан ишлаши керак. Шунингдек Европадан тажрибали жисмоний ҳолат билан ишлайдиган мутахассисни жалб қилиш керак. Яна Иордания билан ўйин услуби ўхшаш бўлган терма жамоалар билан ўртоқлик ўйинларини ўтказиш зарур ва шарт. Иордания шунчаки жамоа эмас, улар билан Осиё кубоги-2011 даги ўйинни сўнги дақиқаларидаги босими хамон ёдимда. Шундай экан бу ёғига енг шимариб ишлаш керак. Бунинг учун фақат МТЖ эмас балки Олий лигадаги мураббийлар ва футболчилар хам жон-жахдлари билан харакати қилишсин. Сўнги ўйинимизнинг иккинчи бўлимидаги “важохат”ни сақлаб қолиш керак. Шундагина биз ўзимиз орзу қилганимизга ета оламиз. Барчамизни ўша қувончли кунда бир-биримизни хушдиллик билан қўллаб-қувватлаб туришимизга етказсин!
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
