Ўзбекистон футбол федерацияси Мираброр Усмонов Наманган шаҳрига қилган сафари давомида «Навбаҳор» футбол клуби раҳбарияти, мураббийлар, футболчилар ҳамда жамоа мухлислари билан учрашди.
ЎФФ президенти дастлаб ўзбек футболининг бугунги куни ҳақида сўз юритди ва мамлакатда футбол жадаллик билан ривожланаётгани ҳақида сўз юритди: «Бугунги кунда футболимиз ривожланиб бормоқда. Футболимизга хукумат даражасида эътибор қаратилиши самараси ўлароқ, шу кунга қадар 12 та барча шароитларга ва замонавий талабларга жавоб берадиган футбол мактаблари очилди. Айни пайтда 14 та ёш тоифасидаги терма жамоаларимиз фаолият юритишмоқда. Буларнинг барчаси ўз-ўзидан бўлиб қолмайди. Футболимизга хукумат даражасида эътибор қаратилишига кўплаб мамлакатларда ҳавас қилишади. ФИФА мутасаддилари ҳам юртимизда амалга оширилаётган ишларга қойил қолишмоқда. Негаки, футболимизни ривожланиши ва унинг пойдевори учун ўтган вақт давомида жуда катта маблағ сарфланди», - дейди Мираброр Усмонов.
ЎФФ президенти Олий Лиганинг мунтазам иштирокчиси, «Навбаҳор» жамоасининг бугунги кундаги молиявий аҳволи ва ҳомийлик хусусида, шунингдек, Олий Лига ўйинларидаги ҳакамлик тўғрисида ҳам ўз фикрларини билдирди.
«Бугунги кунда ҳакамлик борасида бир қатор ютуқларни ҳам қўлга киритмоқдамиз. Бунинг самараси ўлароқ юртимизда ФИФА ҳакамларининг сони ортиб бормоқда. Ҳозирда уларнинг сони 10 нафарга етган. Булар орасида Равшан Эрматовни алоҳида тилга олиш мумкин. Эрматовни жаҳон чемпионатининг очилиш учрашувини бошқаришга эришганлигини ўзиёқ меҳнатларимиз самарасидан дарак бериб турибди. Ахир, сўнгги пайтларда қайси МДҲ давлатларининг ҳакамлари бу каби натижани қайд этишди? Ҳакамларнинг баҳоси хусусида жуда яхши таклиф билдирилди. Бу ҳақда гапирадиган бўлсам, ҳакамлар баҳосини ҳеч ким билмаслиги рост. Кейинги ўйинлардан бошлаб Олий Лига ҳакамлар хужжатидан кўчирмага уларни назоратчи томонидан қандай баҳога лойиқ кўрилганликларини ҳам эълон қиламиз», - деди ЎФФ президенти.
«Навбаҳор» клуби раҳбарияти, мураббийлар ва футболчилар билан бўлиб ўтган учрашув якунига етгач, бош мураббий Бахтиёр Ашурматов ҳамда маҳоратли ҳимоячи Юрий Рижколар «Навбаҳор» жамоаси аъзолари номидан ЎФФ президентига футболчилар имзоси туширилган тўп ҳамда Усмонов фамиляси ёзилган «Навбаҳор» футболкасини совға қилишди. Шу билан биргаликда, жамоа ишқибозлари ҳам ўз номларидан Мираброр Усмоновга махсус совғаларини ва ташаккурномани тақдим этишди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
