Брендан Рожерс: "Ёзда Балотеллини сотиб олиб, таваккал қилишдан бошқа иложимиз йўқ эди"
"Ливерпуль" бош мураббийи Брендан Рожерс ёзда "қизиллар"нинг ҳужумчи Марио Балотеллини сотиб олишдан бошқа вариантлари бўлмагани ҳақида айтиб ўтди. Эслатиб ўтамиз, 24 ёшли италиялик ҳужумчи "Ливерпуль"га "Милан"дан 16 миллион евро эвазига ўтганди. Ҳозирча у мавсумдаги 14 ўйинида 2та гол урган.
"Ўша вақтда Балотеллини сотиб олишимиз муаммони ҳал қилади деб ўйлагандик. Ёзда Рики Ламберт бор эди, Фабио Борини кетишига тўғри келди, Даниэль Старрижнинг эса жароҳати бор эди. Бу позицияга яна кимнидир олмасдан мавсумни бошлашимиз жуда қийин бўларди. 32 ёшли Ламбертни жамоадаги ягона ҳужумчи қилиб қолдиришимиз нотўғри эди. Балотеллини сотиб олиш - таваккал бўлишини тушуниб турардим, лекин бизнинг бошқа чорамиз йўқ эди. Ҳозир бу қароримиздан афсуслана олмаймиз, бу - ҳар томонлама ҳисобга олинган таваккал эди. Айнан шунинг учун ҳам у, балки, ўзига сарфланган пулга арзиётгандир", - деди Рожерсю
Манба: www.championat.com
Киритилди: 16:26, 07.12.2014. Ўқилди: 4280 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар