Мадриднинг "Реал" клуби кутилмаганда ўз майдонида "Шальке"га ютқазиб қўйди ва сафарда қўлга киритилган 2та голдан иборат фарқ эвазига чорак финал йўлланмасини қўлга киритди.
"Реал" футболчилари ўйиндан аввал ўзларини кейинги босқичда ҳисоблаб бўлишганди. Гельзенкирхенликларнинг эса йўқотадиган нарсаси йўқ эди. Ўйин бошида меҳмонларнинг ҳужумлари хавфлироқ тус ола бошлади. Ҳаракатлар 20-дақиқада самара берди: ўнг қанотдан етказилган узатма пайтида мезбонлар Кристиан Фуксни қаровсиз қолдиришди, ҳимоячининг зарбасини Касильяс қайтара олмади. Орадан 5 дақиқа ўтиб Криштиану Роналду бурчак тўпини бош билан дарвозага жойлади ва ҳисобни тенглаштирди.
Худди шундай вазият 40 ва 45-дақиқаларда яна такрорланди. Хунтелар "Шальке"ни ҳисобда олдинги олиб чиқди, Роналду бош билан зарба бериб, ҳисобни тенглаштирди.
Иккинчи бўлим бошида Бенземанинг голидан кейин барчаси жойига тушгандек эди, аммо орадан 4 дақиқа ўтиб Лерой Сане ҳисобни 3:3га етказди.
Иккинчи бўлим давомида тўп назорати асосан "Реал" футболчиларида бўлди. Улар ўйин тақдирини эртароқ ҳал қилиб қўйишлари мумкин эди, аммо вазиятлардан фойдана олмаганлари етмаганидек, ўйин тугашига 6 дақиқа қолганида қўпол хатога йўл қўйишди. Хато натижасида Клаас-Ян Хунтелар дарвозабон билан бирга бир вазиятга чиқиб кетди ва "Шальке"ни яна олдинга олиб чиқди.
Ушбу гол Анчелотти шогирдларини жиддий хавотирга солиб қўйди, улар фақат ҳимоя борасида ўйлай бошлашди. Сўнгги 6 дақиқаларда йўлланган 2та зарбаси Икер Касильяс қайтарди.
"Шальке" ЕЧЛни мағрур тарк этди. "Реал" эса ҳимоя борасида жиддий бош қотирмаса бўлмайди. "Мадрид" кетма-кет 3та ўйиндан бери ғалаба нималигини билмаяпти.
"Порту" эса майдонида "Базель"ни аяб ўтирмади (4:0) ва чорак финал йўлланмасини қўлга киритди.
ЕЧЛ, Нимчорак финал, жавоб ўйинлари
Реал Мадрид Испания – Шальке-04 Германия 3:4 (2:2, 1:2)
Голлар: 0:1 – 20 Фукс, 1:1 – 25 Роналду, 1:2 – 40 Хунтелар, 2:2 – 45 Роналду, 3:2 – 52 Бензема, 3:3 – 57 Сане, 3:4 – 84 Хунтелар.
Реал Мадрид – Касильяс, Арбелоа (Начо, 83), Варан, Пепе, Коэнтрау (Марсело, 58), Иско, Хедира (Модрич, 58), Бэйл, Кроос, Бензема, Роналду.
Шальке-04 – Велленройтер, Настасич, Матип, Хеведес, Фукс, Хегер (Горетцка, 57), Нойштедтер, Шупо-Мотинг (Сане, 29), Майер, Барнетта (Утида, 81), Хунтелар.
Огоҳлантиришлар: Роналду (31), Коэнтрау (55), Нойштедтер (90).
Биринчи ўйин – 5:4.
Порту Португалия – Базель Швейцария 4:0 (1:0, 3:0)
Голлар: 1:0 – 14 Браими, 2:0 – 47 Эррера, 3:0 – 56 Каземиро, 4:0 – 76 Абубакар.
Порту – Фрейтас, Майкон, Алекс Сандро, Данило (Мартинс Инди, 22), Маркано, Эвандро (Куарежма, 79), Каземиро, Браими (Невеш, 74), Эррера, Тельо, Абубакар.
Базель – Вацлик, Жака, Шер (Эмболо, 57), Самуэль, Сафари, Дзуффи, Фрай (Какитани, 63), Гаши (Калла, 77), Эл-Ненни, Гонсалес, Штреллер.
Огоҳлантиришлар: Гаши (30), Гонсалес (38), Самуэль (49), Сафари (55), Маркано (55).
Четлатиш: Самуэль (90).
Биринчи ўйин – 1:1.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Барселона
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
