Maydon.uz blogi: Intervyu. Akrom Komilov: “Bundan keyin qizil kartochka olmayman deb o‘zimga o‘zim so‘z berdim”
Baho:
+0; -0
Toshkentning “Bunyodkor” klubi himoyachisi, shuningdek milliy terma jamoaga nomzod hisoblangan futbolchilardan biri Akrom Komilov OCHLning 2-turidan so‘ng ko‘p tanqid qilinmoqda. Iste’dodli futbolchi “Al Ayn”ga qarshi o‘yinda qizil kartochka olib, jamoasini qiyin ahvolga solib qo‘ygan edi. “Bunyodkor”ning mag‘lubiyatida futbolchining qanchalik aybi bor? Sergey Lushchanning topilmalaridan biri, “Bunyodkor”ning bugungi kundagi asosiy o‘yinchilaridan biriga aylangan iste’dodli himoyachi Maydon.uz saytiga intervyu berdi va “Al Ayn”ga qarshi o‘yin va ayni damdagi holati haqida so‘zladi.
Garchi maydonda buning aksi ko‘rinsa-da, futbolchi juda tortinchoq va yumshoq fe’li bilan ajralib turadi. U mardlarcha “Al Ayn”ga qarshi o‘yindagi qizil kartochkasi tufayli jamoasini qiyin vaziyatga tushirganini tan oldi.
— “Al Ayn”ga qarshi o‘yinda qizil kartochka olib jamoamni qiyin ahvolga solib qo‘ydim. Buni tan olaman. Aynan shu qizil kartochka tufayli “Bunyodkor” mag‘lub bo‘ldi, deb hisoblayman. Buning uchun jamoadoshlarimdan va muxlislardan uzr so‘rayman. Bu menga qattiq ta’sir qildi va bundan so‘ng umuman qizil kartochka olmaslikka va o‘zimni bosib olishga bor kuchim bilan harakat qilaman.
– Umuman olganda, mag‘lubiyatga faqat qizil kartochka sabab bo‘lmadi. Ikki o‘yinda ham “Bunyodkor” himoyachilari ancha xatolarga yo‘l qo‘yishdi. Bu borada murabbiylar shtabi futbolchilar bilan ishlayaptimi?
– Murabbiylar xatolarimizni tushuntirishayapti. To‘g‘ri, ikki o‘yinda ko‘p xatolarga yo‘l qo‘ydik va buni o‘zimiz ham bilamiz. Lekin, bu vaqtinchalik va bunga ishonaman. Biz hammasini to‘g‘irlaymiz. Shunchaki, bizga biroz vaqt kerak, sababi, mavsum endi startga kirdi.
– “Bunyodkor” nafaqat OCHLning, balki, Oliy liganing ham o‘rtacha yosh bo‘yicha eng yosh jamoalaridan biri. Bu holat jamoaga qiyinchilik tug‘dirmaydimi? Jamoaning ushbu mavsumdagi rejalari qanday?
– To‘g‘ri, jamoamiz juda yosh. Ammo, biz o‘zimiz ishtirok etayotgan har bir turnirda g‘alaba qozonishni istaymiz. Jamoa yosh bo‘lsa ham ancha salohiyatga va yetarlicha tajribaga ega. Biz har bir o‘yinda g‘alaba uchun maydonga tushamiz va o‘zimiz qatnashayotgan barcha turnirda g‘alaba qozonishga harakat qilamiz.
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
www.maydon.uz
