2016 yilda muvaffaqiyatsiz to‘p surgan futbolchilar bilan tanishtirishda davom etamiz.
Sillessen, Alkaser, Vidal - «Barselona» zaxirasiga «mixlangan» omadsizlar. Batshuayi «Chelsi»da o‘rnini topolmadi. Dortmundning «Borussiya»sida jahon chempioni Durmni jarohatlar qiynadi. Depay «MYU» darajasi va Mourinyo talablarini bajarolmadi. Shvaynshtaygerning xuddi Angliyadagi kabi Yevro-2016da ham ishi yurishmadi. Xonda «Milan»da bir paydo bo‘lsa, bir yo‘qolib qoldi. Gyotse «Borussiya»ga katta umidlar bilan qaytgandi, ammo... Xullas, grandlar safida kutilgan o‘yinni namoyish etolmaganlar bisyor. Shuningdek, 2016 yilda o‘ziga xos voqealar qahramoniga aylanganlar ham. Quyida shu haqda so‘z yuritamiz.
Yil penaltisi. Simone Zaza (Italiya)
Xuddi buyurtma qilgandek, hammasi mos keldi - qizg‘anchiqlik, xatolar va tentaklik. Zaza endigina maydonga tushgandi, to‘pga xotirjam zarba berishi mumkin edi. Buning o‘rniga haqiqiy tomosha uyushtirdi. Germaniya termasiga qarshi bahsda aniq amalga oshirilmagan penaltidan so‘ng Simone ruhan sindi. Unga hattoki, basketbolchilar ham parodiya qilishmoqda.
Yil seriyasi. SSKAning YECHLdagi himoyasi
Bu o‘rinda Igor Akinfeevni aybdor sifatida ko‘rsatish noo‘rin, barchasida jamoa va murabbiylar mas’uliyatni zimmalariga olishlari kerak. SSKAning YECHLdagi antirekordini Yevropada barcha payqadi. Qatorasiga 43ta o‘yinda to‘p o‘tkazib yuborilishi - bunaqasini keyingi o‘n yillikda hech qaysi darvozabon takrorlay olmasa kerak.
Yil hazilkashi. Nigeriya futbol federasiyasi prezidenti
Britaniyaga xos hangoma. Sud qaroriga ko‘ra, yangi lavozimga tayinlangan Kris Jivaning birinchi qilgan ishi navbatdagi tur o‘yinlariga hakam tayinlash bo‘ldi. U yanvarda vafot etgan referini tanladi. Haqiqiy «bilag‘on» ekanligi ko‘rinib turibdi.
Yil yovvoyiligi. Yeryomenko(SSKA)-ning diskvalifikasiyasi
Finlyandiyalik yarim himoyachi giyohvand modda organizmiga tasodifan tushib qolganini isbotladi. SSKA vakillari UYEFAning vaziyatni to‘g‘ri tushungani, shu bois 4 emas, 2 yillik jazo qo‘llaganini aytishdi. O‘z navbatida, futbolchining mas’uliyatsizligi qoralandi. Vaziyatni turlicha tal-qin qilish mumkin, ammo har qanday holatda ham Roman Yeryomenko aqlsizlik qildi. YECHL o‘yini o‘tkaziladigan kuni uning qonida taqiqlangan modda borligi aniqlandi.
Yil gumonlanuvchisi. Joui Barton («Byornli»)
O‘z davrining eng qiziqqon futbolchilaridan biri, nihoyat, qo‘lga tushdi. Joui «tasodifan» keyingi o‘n yillikdagi futbol o‘yinlari uchun pul tikkan ekan. Ijara asosida «Reynjers»da o‘ynayotgan kezlari Bartonni fosh etishdi, o‘yinchi buni tan oldi. Endi Angliyada yangi dalillar paydo bo‘ldi. Joui jiddiy jazoga tortilishi mumkin, chunki qoidalar kelishilgan o‘yinlarga qarshi kurashish maqsadida futbolchilarning uchrashuvlar uchun pul tikishini taqiqlaydi.
Yil paradoksi. Argentina termasi
AQSHda Amerika kubogini yutolmagan jamoa FIFA reytingida birinchi o‘rinda qayd etildi. Kulgili holat. Terma sardori sovrinlar yo‘qligini ro‘kach qilib, o‘ynashni xohlamadi - Messini butun mamlakat qaytishga ko‘ndirdi. Leo qaytdi, muammo esa saqlanib turibdi. Chunki Maskerano, Aguero, Di Mariya va boshqalar bosh yulduz ortidan ketishlarini bildirishdi. Bunga JCH-2018 saralashidagi ishtirokni ham qo‘shib hisoblansa, haqiqiy paradoks tayyor-da.
Yil umidsizligi. Rossiya termasining ishtiroki
Yomon o‘ynayotgan «Inter» hali yana ko‘tariladi. «Arsenal»ning to‘rtinchi o‘rni ham vaqtinchalik, o‘yinda joziba bor. «MYU», «Lester» va «Valensiya»ning muammolari - kutilgan holat. Shu bois Smolovning gapiga qo‘shilamiz - eng hafsalani pir qilgani Rossiya termasi bo‘ldi. Yevro chempionatida muvaffaqiyatga erishishmasa ham mayli edi, munosib qatnashishning o‘zi yetardi. Ammo o‘xshamadi, Sluskiy va futbolchilar tan olishdi - juda yomon o‘ynashdi. Keyinchalik ham omadsizlik davom etdi. Kosta-Rikaga yutqazildi, Qatarni yengish uddalanmadi. Shunga qaramay, muvaffaqiyatsizliklar kelgusidagi g‘alabalarni qadrlashni o‘rgatadi. Omad 2017 yilda kelishi lozim. Umid qilamizki, antiqahramonlar safidan o‘rin egallaganlarning barchasi 12 oydan so‘ng bu ro‘yxatda ko‘rinish berishmaydi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
