21 sentyabr kuni «Nissa» o‘z uyida «Monako»ni qabul qilgan va yirik 4-0 hisobida g‘alaba qozongan edi. Ikki jamoa bugun mavsumdagi ikkinchi moviy qirg‘oq derbisini o‘tkazadi. 1-davrani 1-o‘rinda yakunlagan “Nissa” hozirda “Monako” bilan bir xil ochko to‘plagan holda karvonboshilikni ushlab turibdi. 3 ochko kam jamg‘argan parijliklar bunday vaziyatdan albatta foydalanib qolishi mumkin. Xo‘sh, mavsumning ikkinchi derbisigacha jamoalarda nimalar o‘zgardi? Keling, tanishib chiqsak…
Jardim g‘alaba formulasini topdi
Birinchi derbida «Nissa» maydonida, monakoliklar bosh murabbiyi Leonardo Jardim 4-2-3-1 taktik sxemasini qo‘llagan edi. O‘yin so‘nggida 4-0 hisobidagi mag‘lubiyat esa Jardimning hali qilishi kerak bo‘lgan ishlarni ko‘rsatib bergan edi. O‘sha uchrashuvda jamoaning yetkachisi Radamel Falkao endi endi o‘z o‘yinini topib borayotgan edi. Hatto kichik jarohat olib maydonni 45-daqiqadayoq tark etgan edi. Valer Jermen esa joker o‘rnida qo‘llanar, jamoaning butun o‘yini esa Moutinyoning kayfiyatiga bog‘liq edi. O‘sha o‘yindan so‘ng «Monako»da ko‘p narsalar o‘zgardi. 4-4-2 o‘yin sxemasiga o‘tgan monakoliklar ancha hujumkor va barqaror o‘yin namoyish etmoqda.
Balotelli ortiq super-qahramon emas
Mavsum boshida “Nissa”ga kelib qo‘shilgan “Super Mario” jamoasining yulduzi bo‘lish uchun yaxshi tarafdan o‘zini ko‘rsata boshladi. Chempionatning ilk uch o‘yinida beshta gol urib barchani hayratga soldi. Biroq, oktyabr oyidan keyin italiyalik hujumchining ishlari ko‘ngildagidek ketmadi. Jarohatlar, o‘yindan chetlatishlar futbolchining o‘yiniga ta’sir qildi. Undan so‘ng Mario 8 uchrashuvda bor-yo‘g‘i 4 ta gol ura oldi.
«Nissa» ortiq hayratda qoldirmayapti
“Nissa” jamoasi ushbu mavsumni ko‘tarinki kayfiyatda boshladi. 1-davrani esa mutlaq yetakchi sifatida tugatdi. Ikkinchi davrada esa yaqin ta’qibchilari «PSJ» va «Monako»lar tarkiblarini va o‘yinlarini ancha kuchaytirib oldilar. Mavsum boshida jamoani Ben Arfa, Jermeyn, Mendi, Pe kabi bir qator yetakchi fubolchilar tark etganiga qaramay, jamoa ustozi Lyusen Favr raqobatdosh jamoa shakllantira oldi. Bugun bo‘lib o‘tadigan derbiga esa jamoalar ancha kuchli tayyorgarlik bilan yetib kelishdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
