Liverpool Echo nashrida «Liverpul» bosh murabbiyi Yurgen Kloppning suhbati chop etildi. Angliyalik jurnalistlar germaniyalik mutaxassisning har oy bergan intervyularidagi eng qiziq gaplarni ajratib, ularning barini jamlashdi.
Iyun Evro-2016
— Islandiya termasi inglizlarni nimchorak finalda mag‘lub etdi. Germaniya jamoasi esa yarim finalda fransuzlarga imkoniyatni boy berdi. Umuman olganda, Yevro- 2016dan qanday xulosa chiqardingiz?
— Unchalik ko‘p o‘yin tomosha qilmadim. Angliya termasining barcha uchrashuvlarini kuzatdim. Ammo Emre Jan maydonga tushmagani bois Germaniya jamoasi ishtirokidagi bahslarning ayrimlarini o‘tkazib yubordim.
— Kelajakda Germaniya termasini boshqarishni rejalashtirmayapsizmi?
— Bu haqda umuman o‘ylamayapman. Hozir qo‘l ostimda bir jamoa bor. Ikkita ishni birgalikda bajarish esa noto‘g‘ri.
— Nima uchun Angliya termasining yirik turnirlarda omadi kelmaydi? Bunga sabab qishki tanaffusning yo‘qligimi?
— Hayotda nimanidir tanlashga to‘g‘ri keladi. Masalan, menga qolsa, 24 soat ishlab, 10 soat uxlasam deyman. Lekin buning umuman iloji yo‘q. Inglizlar yil davomida futbol ko‘rishni, shuningdek, yozda ham yaxshi formada bo‘lishni istashadi.
Iyul
Kaliforniyadagi mavsum taraddudi
— Ilk marta mavsumga «Liverpul» bilan tayyorgarlik ko‘ryapsiz...
— Menga juda yoqdi. Jamoaga yangi kelganimda, hattoki, shug‘ullanishga ham ulgurmagandik. O‘yinlar, o‘yinlar, o‘yinlar... Mavsumoldi tayyorgarliklar juda muhim. Mashg‘ulot lageriga bir jamoa bilan borib, boshqasi, ya’ni kuchaygani bilan qaytasiz. Boz ustiga, AQSHda «Liverpul»ning muxlislari juda ko‘p. U yerga bejiz bormadik. Shunga o‘xshash safarimizning navbatdagisini Osiyoga uyushtiramiz. Umuman olganda, bunga qarshi emasman.
— Aksariyat futbolchilarning aytishlaricha, bu yilgi mashg‘ulotlar o‘zgacha bo‘libdi...
— O‘ylashimcha, biz bundan ko‘prog‘iga qodir edik, lekin o‘zimizga kerakli mashqlarni bajarish bilan cheklanamiz. Negaki, bu yerda Germaniyadagidek davralar oralig‘idagi mashg‘ulotlar yo‘q. Qolaversa, ayrim futbolchilar tarkibimizga kechroq qo‘shilishdi. Shu bois ham ko‘ngildagidek shug‘ullana olmadik.
Avgust 2016 yil 14 avgust, «Emireyts» Arsenal- Liverpul- 3:4
— Sadio Mane gol urgach, ustingizga chiqib oldi...
— Haqiqatan ham bu g‘alati bo‘ldi. Negaki, o‘yin endigina boshlangandi. Lekin chempionatni yaxshi boshlaganimizdan xursandman. Mavsumoldi tayyorgarliklardan so‘ng kayfiyatimiz chog‘ edi. Tarkibimizga ajoyib futbolchilar jamlanganini hamma bilardi. Buni «Emireyts»da isbotladik.
Sentyabr 2016 yil 10 sentyabr, «Enfild» Liverpul-Lester- 4:1
— «Enfild»dagi yangi asosiy tribunaning ochilishini ajoyib tarzda nishonladinglar. Stadionga yig‘ilgan 53 ming muxlis amaldagi chempionning qay tarzda dog‘da qoldirilganiga guvoh bo‘ldi.
— «Enfild»ni o‘tgan mavsum «Chelsi»ga qarshi kechgan oxirgi o‘yinimizda tark etgandim. Stadionga sentyabrda yana kirganimda yangi tribunani ko‘rib, o‘zimni xuddi dunyoning sakkizinchi mo‘’jizasi oldida turgandek his etdim. Ular buni qanday qurishganini tushuna olmadim.
Oktyabr
2016 yil 29 oktyabr, «Selxerst»
Kristal Pelas- Liverpul- 2:4
— O‘yin ajoyib tarzda o‘tdi. Tanaffusga qadar darvozalar besh bora ishg‘ol qilindi.
— Biz raqibdan ko‘ra yaxshiroq o‘ynadik. Darvozamizdan kutilmagan gollarni o‘tkazib yubordik. Aytishim mumkinki, xuddi «kattalardek» o‘ynadik. Ikkinchi bo‘limda har narsa ro‘y berishi mumkin edi. Bizning asosiy qurolimiz futbol ekanini tushunishimiz lozim. Agar oddiy va tezkor o‘ynasak, istalgan raqibga qiyinchilik tug‘diramiz. Misol uchun, «Everton»ga qarshi kechgan uchrashuvning ikkinchi bo‘limida shunday bo‘ldi.
Noyabr
2016 yil 29 noyabr, Liga kubogining 5-raundi, «Enfild»
Liverpul-Lids- 2:0
— Mazkur uchrashuvda Ben Vudbyorn «Liverpul» safida gol urgan eng yosh futbolchiga aylandi...
— Ha, ajoyib bo‘ldi. Buni Benning o‘zi ham kutmagandi. Yoshlar bilan boshqacha tarzda ishlashni boshladik. Hozirda ko‘plab yigitlar asosiy jamoaga jalb qilinmoqdalar. Shu jumladan, Ben ham.
Dekabr, 2016 yil 19 dekabr, «Gudison Park»
Everton-Liverpul- 0:1
— «Gudison Park»ka birinchi tashrifingiz muvaffaqiyatli chiqdi...
— Ha. Bugun biz g‘alabaga to‘la haqli edik. Birinchi bo‘limning o‘ta qiyin kechishini barcha yaxshi bilardi.
— Derbidagi, shu bilan birga, «Gudison Park»dagi yutuq «Liverpul» fanatlari uchun qanchalik muhim ekanligini tushundingizmi?
— To‘g‘risi, bunchalik bo‘lishini kutmagandim.
— 2016 yildan qoniqish hosil qildingizmi?
— Yil yaxshi o‘tdi. Yaqinda Yoaxim Vatske «Ishlar qalay?» deb so‘ragandi, «Ba’zida ishongim kelmaydi. «Liverpul» - mo‘’jizaviy jamoa. Menga ideal tarzda mos keladi»,- degan javobni berdim.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
