O‘tayotgan hafta qiziqarli o‘yinlarni taqdim etishdan to‘xtamayapti. Chempionlar ligasi nimchorak finali dastlabki o‘yinlarining ilk haftasida «Barselona» va «Arsenal»ning qaqshatqich mag‘lubiyatini, «Real»ning irodali g‘alabasini va «Benfika»ning samarali o‘yinini ko‘rgan muxlislarni endi Yevropa Ligasi 1/16 finali bahslari kutib turibdi.
Nufuzi jihatidan Yevropada ikkinchi o‘rinda turuvchi ushbu musobaqa g‘olibligiga asosiy da’vogarlardan biri shubhasiz «Manchester Yunayted»dir. Yevropa Ligasidagi chempionlik Chempionlar Ligasiga to‘g‘ri yo‘llanma berishi boshqa jamoalar singari Premyer Ligada 6-o‘rinda borayotgan «Manchester Yunayted»da ham ishtiyoq uyg‘otgani tabiiy.
Biroq bu yo‘lda «mankunianlar» 1/16 finaldayoq oson bo‘lmagan raqib – Fransiyaning «Sent-Etyen» jamoasiga qarshi bahs olib boradi. Bu 1 Liganing eng himoyaviy o‘yin ko‘rsatuvchi jamoalaridan bo‘lib, ularga 1 tadan ortiq gol urish kamdan-kam jamoaga nasib qiladi. Bu mavsumda «PSJ»dan ham, «Monako»dan yengilmagan «yashillar» so‘nggi mavsumlarda faqat kuchli beshlikdan joy olib kelmoqda.
Bundan tashqari, «Sent-Etyen» Fransiya chempionligini eng ko‘p qo‘lga kiritgan jamoadir (10 marta). Bu ko‘rsatkichni hali na 2000-yillarning «Lion»i, na 2010-yillarnig «PSJ»si yangilay olgani yo‘q. O‘zining «oltin davri»ni 1970-yillarda o‘tkazgan jamoa uchun «Manchester Yunayted» bilan to‘qnashuv juda muhim, zero bu «Sent-Etyen»ning o‘sha davrdan buyon Yevropa musobaqalarida duch kelayotgan eng kuchli raqibidir.
To‘g‘ri, o‘tgan yillarda «Inter», «Lasio», «Verder» kabi jamoalar «Sent-Etyen»ga raqiblik qilgan, biroq ularning birortasi, hatto «Inter» ham (2014-yilda) bu darajadagi nufuzga ega emas edi. «Manchester Yunayted» esa haqiqiy yulduzlar to‘plangan va kuchga to‘lgan jamoa. Bu so‘nggi yillarda o‘zini o‘nglab olishga erishgan va Yevropa maydonlariga qayta olgan jamoa uchun mukofotdir.
«Joffrua Gishar» stadioni Bajjo va Veaning «Milan»i, Vera va Kanuning «Arsenal»i yoki Ronladinyoning «Barselona»sini ko‘rgan bo‘lsa ham, bular asosan o‘rtoqlik uchrashuvlari edi va hozirgidek sportcha bellashuv ishtiyoqidan mosuvo edi. Shunday ekan, javob o‘yini yanada qiziqarli kechishi shubhasiz.
Bu bahsga qiziqishni oshiradigan yana bir jihat – aka-uka Pogbalar to‘qnashuvidir. Jahon futbolining eng ko‘zga ko‘ringan yulduzlaridan biri bo‘lgan Pol Pogbaning akasi Florentin Pogba aynan «Sent-Etyen» sharafini himoya qiladi. Shuningdek, Pol Fransiya terma jamoasida harakat qilsa, Florentin oilasining tarixiy vatani – Gvineya terma jamoasini tanlagan. Bu to‘qnashuvda Pogbalar oilasiga qiyin bo‘lishi turgan gap.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
