2016/2017 yilgi mavsum Yevropa Chempionlar ligasi nimochorak finali doirasida 21 fevral kuni «Machester Siti» hamda «Monako» o‘rtasidagi bahs bo‘lib o‘tadi. UYEFA rasmiy sayti ushbu to‘qnashuv borasida ham qiziqarli ma’lumotlarni taqdim etdi.
Ta’kidlash joizki, bu ikkala jamoaning o‘zaro ilk uchrashuvi hisoblanadi. Fransiya 1 Ligasida ishtirok etuvchi Monako knyazligi jamoasi ushbu mavsumda «E» guruhida Leverkuzenning «Bayer» klubini ortda qoldirib va Londonning «Tottenhem»ini nimchorak finaldan mosuvo qilib birinchi o‘rinni egallagan bo‘lsa, «Manchester Siti» esa «C» guruhida «Barselona»dan keyin ikkinchi bo‘lgan edi.
O‘yin atrofidagi faktlar
«Manchester Siti» ushbu mavsumda o‘z tarixida ikkinchi marta chorak finalga chiqish uchun kurashadi. Avvalgi muvaffaqiyat o‘tgan mavsumga to‘g‘ri keladi – «shaharliklar» yarim finalda bo‘lajak g‘olib «Real»dan yengilan edi. Jamoa Chempionlar ligasida o‘z maydonida 9 o‘yindan buyon mag‘lubiyatga uchramayapti – 6 g‘alaba va 3 durang. «Shaharliklar» ustozi Xosep Gvardiola «Barselona» va «Bavariya»da Chempionlar ligasi nimchorak finalida o‘tkazgan barcha 7 urinishidan muvaffaqiyatli o‘tgan.
«Siti» o‘z tarixida faqat 3 marta fransuz jamoalariga qarshi o‘ynagan va bu o‘yinlarning barchasi «PSJ»ga qarshi kechgan. O‘tgan mavsum chorak finalida Parijda 2:2 hisobidagi durang qayd etilgan va Manchesterda mezbonlar minimal hisobda g‘alaba qozongan. 2008/2009 yilgi UYEFA Kubogi guruh bosqichi doirasida esa yagona o‘yin Manchesterda bo‘lib o‘tgan va hisob ochilmagan. E’tiborlisi, o‘sha o‘yinda «Siti»ning hozirgi futbolchilari Vinsan Kompani va Pablo Sabaleta ham ishtirok etgan.
«Monako» so‘nggi uch mavsumda ikkinchi marta chorak finalga chiqishga harakat qiladi. 2014/2015 yilgi mavsum nimchorak finalida «Arsenal» Londonda 1:3 hisobida mag‘lub etilgan va Monakodagi 0:2 hisobidagi mag‘lubiyat mehmonda urilgan gollar evaziga jamoaning chorak finalga chiqishiga xalal berolmagan edi. Ushbu mavsumda ham «Monako» Angliyada bir ingliz jamoasini mag‘lub etishga ulgurdi – «Tottenxem» Londonda 1:2 hisobida taslim etildi.
«Monako» ingliz jamoalariga qarshi mehmonda o‘tkazgan o‘yinlarida 5 g‘alaba, 2 durang va 2 mag‘lubiyat qayd etgan. Jamoa ingliz klublariga qarshi o‘tkazgan 6 ta pley-off bosqichi to‘qnashuvidan beshtasida ustun kelgan. Jumladan, 1997/1998 yilgi mavsum chorak finalida «Manchester Yunayted», 2003/2004 yilgi mavsum yarim finalida «Chelsi» va 2014/2015 yilgi mavsum nimchorak finalida «Arsenal» dog‘da qoldirilgan.
Tanish chehralar
«Siti» ustozi Gvardiola uchun bu murabbiy sifatida fransuz jamoalariga qarshi ilk o‘yini bo‘ladi. So‘nggi marta u Fransiya chempionati vakiliga qarshi «Barselona» futbolchisi sifatida 1996/1997 yilgi Kubok eglari kubogi finalida «PSJ» bilan bahsda o‘ynagan va 1:0 hisboida zafar quchgan. 1993/1994 yilgi Chempionlar ligasi guruh bosqichida esa «Monako»ni ham uyda, ham mehmonda mag‘lub etishga yordam bergan.
«Monako» ustozi Leonardo Jardim esa murabbiy sifatida ingliz jamoalariga qarshi avval ham bahs yuritgan. «Braga» murabbiyi sifatida 2011/2012 yilgi mavsum Yevropa Ligasi guruh bosqichida «Birmingem»ni ikkala o‘yinda ham yenggan Jardim 2012/2013 yilgi mavsumda «Olimpiakos»ga boshchilik qilib, Chempionlar Ligasi guruh bosqichida Londonda «Arsenal»dan yengilgan, Afinada esa g‘alaba qozongan.
«Siti» yarim himoyachisi Yaya Ture 2006/2007 yilgi mavsumda «Monako» safida Fransiya 1 Ligasida 27 o‘yinda maydonga tushgan va 5 ta gol urgan. «Shaharliklar» himoyachisi Bakari Sanya esa 2004-2007 yillarda «Oser» safida «Monako» bilan 5 marta to‘qnash kelib, 2 g‘alaba, 1 durang va 1 mag‘lubiyat qayd etgan.»Monako» futbolchilaridan Joao Moutinyo «Portu» safida, Radamel Falkao «Manchester Yunayted» va «Chelsi» tarkibida «Manchester Siti»ga qarshi o‘ynagan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
