Oliy liganing 3-turida «Qo‘qon-1912» o‘z maydonida «Qizilqum»ni qabul qildi.
O‘yin mehmonlarning hujumi bilan boshlandi. 2-daqiqada navoiyliklarning ilk hujumi xavfli ko‘rinish oldi. Qo‘qonliklar jarima maydonchasi yaqinida Artur Gevorkyanga qarshi qo‘polik ishlatildi. Turkmanistonlik futbolchining o‘zi jarima to‘pini sheriklariga oshirib berdi. Yuzaga kelgan pala-partishlikdan keyin to‘p darvoza to‘siniga tegdi.
6-daqiqa burchakdan oshirilgan to‘pni Andrey Sidorov boshi bilan darvoza tomon yo‘lladi. Zarbaga biroz aniqlik yetishmadi. Bundan oldin Filip Rayevas o‘zining individual harakatlari bilan jarima maydonchasiga kirishga urinib ko‘rdi. Uni himoyachilar to‘xtatib qolishdi.
13-daqiqada Rayevasga qarshi qo‘pollik ishlatildi. Ammo, jarimadan oshirilgan to‘pni serbiyalik hujumchi darvozaga to‘g‘irlay olmadi.
21-daqiqada yana bir jarima to‘pi tepildi. Murod Xolmuhammedovning zarbasidan so‘ng to‘p to‘g‘ri Makosinning qo‘liga borib tushdi.
43-daqiqada mehmonlar hisobni ochishga yaqin edi. Lekin himoyachilar va darvozabonning harakatlari evaziga goldan saqlanib qolindi. Jamoalar tanaffusga 0:0 hisobida chiqib ketishdi.
Ikkinchi taymni qo‘qonliklar faol tarzda boshlashdi. 50-daqiqa o‘tib borayotgan paytda Filip Rayevas mehmonlar darvozasini ishg‘ol etdi. Bu serbiyalik hujumchining ikkinchi o‘yindagi ikkinchi golidir.
55-daqiqada Andrey Sidorovga biroz tezlik yetishmadi. Aks holda darvozabon bilan birga-bir vaziyatga chiqib borar edi.
58-daqiqada Filip Rayevas darvozabon bilan yakkama-yakka holatga chiqib borayotgan paytda yiqilib tushdi. Qulay imkoniyat qo‘ldan boy berildi. 75-daqiqada Bahodir Pardayev jarima maydonchasi ichida yolg‘iz qolganiga qaramay, to‘pni o‘zida ko‘p o‘shlab qoldi. Natijada qulay imkoniyat qo‘ldan chiqarildi.
Qolgan daqiqalarda jamoalar bir qator vaziyatlarni vujudga keltirishdi. Ammo muxlislar boshqa gol ko‘rmadi.
Oliy liga
3-tur
“Qo‘qon-1912” – “Qizilqum” – 1:0 (0:0)
Hakamlar: V. Seytlin, A. Usmonov, T. Gaynulin, SH.Nasibullayev.
Nazoratchi: B. Tog‘ayev.
O‘zPFL vakili: V. Lyotkin
Gol: Filip Rayevas-50.
“Qo‘qon-1912”: 12. Aziz Ashurov, 4. Bahodir Akramov, 5. Jalil Kimsanov, 8. Sobir Hamidov (10. Javohir Sidiqov-65), 11. Andrey Sidorov, 18. Bahodir Pardayev, 23. Aleksandr Merzlyakov, 24. Ibrohim Rahimov, 26. Akmal Xolmurodov (85. Ruslan Meleziddinov-63), 77. Murod Xolmuhammedov, 99. Filip Rayevas (9. Nosir Otaqo‘ziyev-81).
Zaxira: 13. Nikita Ribkin, 7. Jamshid Hasanov , 17. Avaz Mamatxo‘jayev, 96. Muhammadanas Hasanov.
“Qizilqum”: 22. Artyom Makosin, 3. Shukurali Po‘latov, 4. Erkin Boydullayev, 8. Akmal Rustamov, 10. Vohid Shodiyev, 14. Fayzullo Qambarov, 15. Azamat Allaniyozov (9. Otabek Zokirov-80), 17. Artur Gevorkyan, 19. Jasur Hasanov, 23. Sherali Jo‘rayev, 27. Ilhom Yunusov.
Zaxira: 16. Umid Xonimqulov, 18. Samandar Shodmonov, 25. Azizbek Usmonov, 35. Orzu Razzoqov, 77. Bekzod G‘anijonov, 85. Andrey Derkach.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
