Angliya Premyer Ligasining navbatdagi turida markaziy o‘yin so‘zsiz “Arsenal” – “Manchester Siti” bahsi. Goal nashri fursatdan foydalanib, bu ikki klub libosida maydonga tushgan futbolchilar ro‘yxatini tuzib chiqdi.
Emmanuyel Adebayor – “Arsenal” libosida 104 marta maydonga tushib, 46 gol urishga muvaffaq bo‘lgan. “Manchester Siti” libosida esa 34 o‘yin o‘tkazgan. Bu o‘yinlarda atigi 15 gol ura olgan.
Nikolya Anelka – “Arsenal” safida 65 o‘yin o‘tkazgan va 23 gol urgan bo‘lsa, “Manchester Siti” tarkibida 89 marta maydonga tushgan, 37 golga mualliflik qilgan.
Gael Klishi – “to‘pchilar” safida 187 o‘yin o‘tkazganiga qaramay fransiyalik himoyachi atigi 1 gol urgan. “Shaharliklar” bilan 129 uchrashuv o‘tkazgan Klishi 2 gol urishga erishgan.
Pol Dikav – London jamoasi tarkibida 20 bellashuvda ishtirok etib, 3 bora raqib darvozabonlarini ranjitgan. Manchester klubi libosida 36 bora maydonga tushgan. 4 golni o‘z hisobiga yozdirib qo‘ygan.
Samir Nasri – “Arsenal” libosida 86 marta maydonga tushgan, 18 gol urishga musharraf bo‘lgan. “Manchester Siti” bilan 124 marta maydonga tushib, 17 gol ura olgan.
Bakari Sanya – Venger qo‘li ostida 213 uchrashuv o‘tkazgan. Himoyachi bu bahslarda 4 gol urishga erishgan. Keyinchalik Manchesterga ko‘chib o‘tgan fransiyalik himoyachi hozircha 50 uchrashuv o‘tkazgan. Birorta ham gol ura olmagan.
Devid Siman – “Arsenal” afsonalaridan biri Devid Siman 325 bahsda londonliklar darvozasini qo‘riqlagan. Hisobida hech qanday gol yo‘q. keyinchalik o‘z omadini “Manchester Siti”da sinab ko‘rgan Siman atigi 19 uchrashuv o‘tkaza olgan.
Silvinyo – braziliyalik himoyachi “Arsenal” safida 55 bora maydonga tushgan va 3 gol urgan. Faoliyatining so‘nggirog‘ida esa “Manchester Siti”da o‘tkazgan himoyachi 10 bora maydonga tushgan.
Kolo Ture – “Arsenal” safida 225 uchrashuvda ishtirok etgan. 9 golga mualliflik qilgan. Keyinchalik “Manchester Siti” a’zosiga aylangan Kolo Ture jamoa safida 82 uchrashuv o‘tkazgan. 2 golni o‘z hisobiga yozdirib qo‘ygan.
Patrik Viyeyra – “Arsenal”ning navbatdagi afsonalaridan biri Viyeyra 279 uchrashuv o‘tqazib, 29 gol urishga erishgan. Faoliyatining yakunida “Manchester Siti”da ham o‘z omadini sinab ko‘rgan fransiyalik futbolchi 28 bellashuvda maydonga tushib 3 golga mualliflik qilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
