Oliy liganing 5-turida “Nasaf” “Olmaliq” jamoasi mehmoni bo‘ladi.
Uchrashuv 7 aprel juma kuni Olmaliq shahridagi OKMK sport majmuasida, soat 18:00da boshlanadi.
Bo‘lajak uchrashuv haqida
Bo‘lajak, “Olmaliq” – “Nasaf” uchrashuvi juda qiziqarli bo‘lishini oldindan taxmin qilish qiyin emas. Bunga bir qancha sabablar bor.
"Nasaf" bu yilgi chempionatdagi barcha o‘yinda g‘alaba qozondi. Raqiblar darvozasini 8 marta ishg‘ol qilib, o‘z darvozasidan 2 marta to‘p olib chiqdi. Ayni paytda “ajdarlar” turnir jalvalining 3-pog‘onasida borishmoqda, jamoa hisobida 9 ochko bor.
“Olmaliq” jamoasining bu yilgi chempionatda omadi chopmayapti. Ular o‘tkazilgan 4 uchrashuvning bittasida durang, qolgan uchtasida mag‘lubiyatga uchradi. Konchilar 1 ochkoga ega va turnir jadvalining so‘nggi pog‘onasini egallab turibdi.
Uchrashuv hakamlari
“Olmaliq” – “Nasaf” uchrashuvini Baxtiyor Namozov boshqaradi. Unga qanotlarda Mamur Saidqosimov va Ravil Shoyaxmetovlar yordam berishadi. Zaxira hakami sifatida Shavkat Nasibullayev ishlaydi. Hakamlaraning barchasi Toshkent shahridan. Hakamlar ishini uchrashuvda buxorolik Ibrohim Sharipov nazorat qiladi.
Baxtiyor Namozov o‘tgan yilgi chempionatda "Nasaf" ishtirokida uchta uchrashuvda, kubok bahslaridagi bitta uchrashuvda bosh hakamlik qilgan. Chempionat bahslaridagi uchrashuvlarning bittasida durang, bittasida g‘alaba va bittasida jamoamiz mag‘lub bo‘lgan. Kubok bahsida esa g‘alaba qozongan.
O‘zaro uchrashuvlarga oid faktlar
“Olmaliq” va “Nasaf” jamoalari, ilk bor oliy ligada 2008 yilgi mavsumda kuch sinashgan, u paytda jamoaning nomi – OTMK edi. Ular keyingi yilgi mavsumdan boshlab o‘z nomlarini – “Olmaliq”qa almashtirishgan. Mazkur jamoalar o‘rtasidagi o‘zaro ilk uchrashuv Qarshida bo‘lgan. Bunda kichik 1:0 hisobida "Nasaf" g‘alaba qozongan. Uchrashuvdagi yagona golni Zafar Xolmurodov kiritgan.
Shu paytgacha mazkur jamoalar o‘zaro 18 marta kuch sinashgan. Shundan o‘nta bahsda “ajdarlar” zafar quchishgan, yana yettita o‘yinda durang natija qayd etilgan. Bitta o‘yinda olmaliqlik futbolchilar o‘z maydonida g‘alabaga erishgan. To‘plar nisbati quyidagicha ko‘rinish olgan – 31:16. Ustunlik “Nasaf” jamoasida.
Olmaliqda bo‘lib o‘tgan barcha uchrashuvlar:
27.08.2008. “Olmaliq” – “Nasaf” 1:1
29.06.2009. “Olmaliq” - “Nasaf” 0:2
16.05.2010. “Olmaliq” - “Nasaf” 0:0
22.10.2011. “Olmaliq” - “Nasaf” 0:0
03.08.2012. “Olmaliq” - “Nasaf” 0:1
08.11.2013. “Olmaliq” - “Nasaf” 2:2
22.06.2014. “Olmaliq” - “Nasaf” 1:1
23.03.2015. “Olmaliq” - “Nasaf” 2:0.
11.03.2016. “Olmaliq” – “Nasaf” 1:3
Olmaliqda bo‘lib o‘tgan to‘qqiz o‘yindan beshtasida durang qayd etilgan. Uch uchrashuvda “Nasaf” g‘alaba qozongan, bitta uchrashuvda “Olmaliq” g‘olib bo‘lgan. “Olmaliq” o‘z uyida so‘nggi bor 2015 yili g‘alaba qozongan.
Mazkur jamoalarning o‘rinbosarlari o‘rtasidagi bahs 6 aprel payshanba kuni “Metallurg” stadionida bo‘lib o‘tadi. Uchrashuv soat 15:30da boshlanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
