O‘zbekiston chempionati 5- tur o‘yinlari doirasida “Navbahor” o‘z maydonida Muborakning “Mash’al” klubini qabul qildi.
Asabiy kechgan bellashuvda “lochinlar” minimal hisobda g‘alabani qo‘lga kiritishdi. Birinchi bo‘lim mezbonlar ustunligida o‘tdi. Jamoa “Mash’al” darvozasi oldida asosan xavfli vaziyatlarni standartlardan sodir qilishdi. Jarima va burchak to‘plari golga aylanishiga noaniqlik biroz pand berdi. Xavodagi to‘p uchun kurashlarda “lochinlar” raqibdan ustun chiqishdi. 20- daqiqada Tohir Shamshitdinov, 33- daqiqada Dilshod Jabborovning olis masofadan yo‘llagan zarbalari “Mash’al” futbolchilarini xavotirlanishiga sababchi bo‘ldi. Raqib o‘yinchilaridan Zafar To‘rayevning tepgan to‘plari xavfli tus olganini aytish lozim. Ammo uchrashuvning birinchi bo‘limida darvozalar dahlsizligi saqlanib qoldi.
Uchrashuvning ikkinchi yarmi ham “Navbahor” ustunligida o‘tdi deyish mumkin. 69- daqiqaga kelib maydon egalari o‘z maqsadlariga yetishdi. Aziz Turg‘unboyevning o‘ng burchakdan jarima maydoniga to‘p oshirishidan so‘ng pala-partishlik yuzaga keldi. Bundan esa zaxiradan maydonga tushgan Xasanboy Ergashev unumli foydalanib, Ilyosov qo‘riqlagan darvozaga to‘pni joyladi. Ergashev "Navbahor" safida mavsumdagi debyut o‘yinini o‘tkazganini ham qo‘shimcha qilish lozim.
Gol urilgan vaziyatda “Mash’al” sardori Zafar To‘rayev bosh hakamga e’tiroz bildirgani uchun ogohlantirildi. Oradan ikki daqiqa o‘tgach To‘rayev ikkinchi bor sariq kartochka olib, maydonni tark etdi.
O‘yin oxirigacha bu hisob o‘zgarmadi.
“Navbahor” – “Mash’al” - 1:0 (0:0)
Gol: X. Ergashev (69)
7 aprel. Namangan. “Markaziy” o‘yingoh. 16280 tomoshabin.
Hakamlar: T. To‘xtasinov, A. Marajabov, Z. Abdurahonov, D. Klepikov.
Nazoratchi – A. Arutyunov.
PFL vakili - SH. Rajabov.
“Navbahor”: 30.Asilbek Amanov, 2.Alisher Samatov, 4.Abbos Otaxonov, 5.G‘iyos Komilov, 9.Dilshod Jabborov, 10. Mansur Saidov (22.Ro‘zim Ahmedov, 55), 19.Mirzohid G‘ofurov (3.Xasan Ergashev, 64), 21.A’zam Aliyev, 32.Jahongir Mehmonov, 33. Tohir Shamshitdinov (77.Aziz Turg‘unboyev, 55), 84.Nemanya Yovanovich.
"Mash’al": 35.Javohir Ilyosov, 2.Iskandar Shoyqulov, 3.Sardor Rahmonov, 8.Mirzakamol Kamolov (63. Umidjon Sharipov, 72), 10.Xumoyun Murtazoyev, 13.SHahzod Shaymanov, 18.Abbos Shodmonov, 22.Bobur Qosimov (31.Igor Timanyuk, 85) 44.Asiljon Begimqulov, 77.Abdulloh Olimov (19. Zohir Qo‘ziboyev, 78), 90.Zafar To‘rayev.
Ogohlantirishlar: G‘. Komilov (43) – Z. To‘rayev (70), J. Ilyosov (70), S. Rahmonov (76), A. Begimqulov (88).
Chetlatish: Z. To‘rayev (73, ikkinchi ogohlantirish).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
