2017 yil Qo‘qon futbolida unutilmas onlarga boy bo‘lmoqda.
Aniqrog‘i, o‘zbek futboli vatani tarixiy voqealar guvoh bo‘lmoqda. Fevral oyida “Qo‘qon-1912” jamoasi Farg‘ona shahrida o‘tkazilgan “Hokim Kubogi bahslarida bosh sovrinni qo‘lga kiritib, tarixiy natijani qayd etgandi. Bahorning birinchi oyi ham qo‘qonlik futbol ixlosmandlariga bir qator muhim hodisalarni taqdim etdi.
Bu yil tarkibi tajribali futbolchilar bilan to‘ldirgan jamoa 10 mart kuni Oliy liga-2017dagi birinchi ochkosini qo‘lga kiritdi. Vakillarimizga ilk ochkoni taqdim etgan golga jamoamizning legioner futbolchisi Filip Rayevas mualliflik qildi. 18 mart kuni Qo‘qonda “Qizilqum”ni mag‘lub etgan No‘’mon hasanov shogirdlari chempionatdagi birinchi g‘alabani tantana qilishdi.
Shundan keyin FIFA kunlari munosabati bilan kichik tanaffus yuzaga keldi. Aynan shu tanaffus davomida bir qator muhim hodisalar sodir bo‘ldi.
Avvaliga “Qo‘qon-1912” futbolchisi Bahodir Pardayev Janubiy Koreyaning “Bucheon 1995” jamoasi a’zosiga aylandi.
Mavsum boshida hujumchi bilan tuzilgan shartnomada agar unga xorij klublardan taklif tushsa, uni qo‘yib yuborish mumkin, degan band bor edi. Qolaversa, Pardayevning kelajagini uylab ham shunday qarorga kelindi. Axir o‘yinchilarimizga har doim ham bunday imkoniyat bo‘lmasligi mumkin. Shu tariqa, o‘zbekistonlik legioner futbolchilar soni yana bittaga ko‘paydi.
Shundan keyin Jasur Abduraimov bosh murabbiyligidagi O‘zbekiston U-22 yoshlar terma jamoasi 21–27 mart kunlari Qatar poytaxti Doha shahrida o‘quv-mashg‘ulotlar yig‘inini o‘tkazdi.
Yig‘in doirasida Jasur Abduraimov shogirdlari 23 mart kuni Qatar U-22 termasiga qarshi, 25 mart kuni esa Kanada U-22 termasiga qarshi o‘rtoqlik uchrashuvlarida maydonga tushdi.
Ushbu yig‘inga «Qo‘qon-1912» asosiy tarkibining ikki vakili – Javohir Sidiqov va Andrey Sidorov taklif etildi. Har ikki futbolchimiz ham yoshlar terma jamoasi safida o‘rtoqlik uchrashuvida maydonga tushishdi.
Qo‘qonlik futbol ishqibozlarini xursand etgan yana bir xabar esa – Aleksandr Merzlyakovning O‘zbekiston milliy terma jamoasiga taklif etilgani bo‘ldi, desak mubolag‘a bo‘lmaydi. Qatar terma jamosiga qarshi kechgan o‘yin oldidan bosh jamoamiz murabbiylari “Qo‘qon-1912″ himoyachisi Aleksandr Merzlyakov O‘zbekiston terma jamoasiga chaqirishdi. Aleksandr esa terma jamoamizning g‘alabasida o‘zining munosib hissasini qo‘sha oldi.
31 mart sanasi ham Qo‘qon futbolida zarhal harflar bilan yozilsa ajab emas. Futbolchilar mart oyining so‘nggi kunida Farg‘onadagi “Istiqlol” stadionida “Neftchi”ga qarshi maydonga tushishdi. Shiddatli va keskin kurashlar ostida o‘tgan uchrashuvda jamoa a’zolari raqibni 2:1 hisobida mag‘lubiyatga uchratishdi va navbatdagi tarixiy natijani qayd etishdi.
Xorazm
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
