«Navbahor» - «Qo‘qon-1912» to‘qnashuviga 10-turning markaziy o‘yini sifatida qaralgandi va voqealar rivoji bu bejiz emasligiga dalolat berdi. Birinchidan, «Navbahor» stadionida muxlislar tashrifi bo‘yicha joriy mavsum rekordi qayd etildi. Ikkinchidan, butun 90 daqiqa davomida keskin kurash ruhi ufurib turdi.
Dastlabki tahlikali vaziyat mezbonlar darvozasi oldida sodir etildi. 2-daqiqada uyushtirilgan tezkor qarshi hujum natijasida Filipp Rayevas qulay imkoniyat hosil qildi. Ammo «Qo‘qon-1912» to‘purariga «Navbahor» darvozabonini dog‘da qoldirishda sovuqqonlik yetishmadi. Oradan hech qancha vaqt o‘tmay, Namangan klubi murabbiylar shtabining majburiy o‘zgarishga qo‘l urishiga to‘g‘ri keldi - Ilhom Mo‘minjonov jarohatlangan G‘iyos Komilov o‘rniga Darko Stanoyevichni maydonga tushirdi. 8-daqiqaga kelib, Jahongir Mehmonov kuchli zarba vositasida mehmonlar posboni Aziz Ashurov hushyorligini sinab ko‘rdi. Yana 3 daqiqadan so‘ng Dilshod Jabborov qulay vaziyatni yo‘qqa chiqardi. Hisob esa birinchi bo‘lim o‘rtalarida ochildi. Bunda «lochinlar»ga jarima zarbasi qo‘l keldi. Zero, to‘p oshirib berilgach, «Qo‘qon-1912» jarima maydoni ichida pala-partishlik kuzatildi va Nemanya Yovanovich bundan foydalanib, boshi bilan aniq zarba yo‘lladi. E’tiborli tomoni, qo‘qonliklar bundan oldingi 8ta uchrashuvda hisobni ochish vazifasi uddasidan chiqishgandi.
Tanaffusdan keyin ham jamoalar hujumlar ketma-ketligini uzishgani yo‘q. Xususan, «Navbahor»dan Aziz Turg‘unboyev va Dilshod Jabborov qulay imkoniyatga ega bo‘lishdi. Mehmonlar esa Javohir Siddiqov, Andrey Sidorov va Filipp Rayevasning zarbalaridan so‘ng hisobni tenglashtirishlari mumkin edi. Ammo hisob anchagacha o‘zgarmay turdi. Oxirida esa Valentin Kovalenko faol o‘ynagan Javohir Siddiqovga qo‘pollik ishlatilganini qayd etib, «Navbahor» darvozasi tomon penalti belgiladi. Aytish joiz, uning bu qarori mezbonlarda kuchli e’tiroz uyg‘otdi. Ma’lum tortishuvlardan so‘ng Murod Xolmuhammedov 11 metrli nuqtadan zarba yo‘lladi - bexato. Ammo Kovalenko golni inobatga olmay, zarbani takroran bajarish zarurligiga ishora qildi. Sovuqqon himoyachi o‘z navbatida, ikkinchi urinishda ham gol urishni uddalab, yakuniy hisobni o‘rnatdi - 1:1.
Fakt. Namanganda o‘yinni 20220 muxlis bevosita stadionda kuzatdi. Bu muxlislar tashrifi bo‘yicha joriy mavsum rekordidir. Bungacha eng yuqori ko‘rsatkich 3-turda aynan «Navbahor»ning «Neftchi»ga qarshi o‘yinida qayd etilgandi - 18992 muxlis. Umuman, Namangan klubi joriy mavsum 6ta tur yakuni bo‘yicha eng ko‘p muxlis yiqqan jamoa bo‘ldi.
«Qo‘qon-1912»ning mag‘lubiyatsiz seriyasi
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
