Rossiya terma jamoasi bosh murabbiyi Stanislav Cherchesov Konfederasiyalar kubogida ishtirok etishi mumkin bo‘lgan 30 nafar futbolchi ro‘yxatini e’lon qildi. Shundan so‘ng Futbolchilar uyida matbuot anjumani o‘tkazildi.
— Kengaytirilgan tarkibdagilardan qaysilari Avstriyadagi yig‘inga borishadi?
— 26 nafari. Uch darvozabon va 23 o‘yinchi. Hozircha shunday. Lekin yig‘in arafasida vaziyat o‘zgarib ketishi mumkin.
— Konfederasiyalar kubogida istalgan payt jarohat olganlarning o‘rnini bosadigan zaxira futbolchilar bo‘ladimi?
— Xudo ko‘rsatmasin, almashtiradigan bo‘lsak ham buni musobaqaning birinchi o‘yiniga qadar amalga oshiramiz. 23 kishidan iborat yakuniy tarkib 7 iyungacha e’lon qilinadi. Turnir davomida futbolchi almashtirishning iloji yo‘q.
— Kambolov ro‘yxatga himoyachi sifatida kirgan. Uni aynan shu chiziq vakili sifatida ko‘ryapsizmi?
— Kimgadir bu kutilmagan bo‘lishi mumkin. Lekin vaziyat o‘zgardi. Berezuskiylarning turnirda yordam berolmasliklari oydinlashgach, variantlarni o‘rganib chiqdik. Kambolov «Lokomotiv»ga qarshi o‘yinda markaziy himoyaga o‘tkazildi. O‘sha uchrashuvda unga e’tibor qaratdim, so‘ngra statistikasini o‘rganib chiqdim. «Bordo», «Liverpul», «Syon» bilan bo‘lgan o‘yinlarini kuzatdim. Yevropa Ligasida ham himoyachi sifatida o‘ynadi. Ko‘rinib turibdiki, Ruslan bu chiziqda yaxshi to‘p surmoqda. O‘z navbatida, bunday turnirlarda darvozabondan tashqari barcha futbolchilar universal bo‘lishlari kerak. Kambolov markaziy himoya va tayanch yarim himoyasida o‘ynay oladi. Terma jamoa uchun bu foydali bo‘lishi mumkin.
— Sizningcha, Fernandes himoyada foydaliroqmi yoki hujumga yaqin chiziqdami?
— Ikkisida ham bir xil saviyadagi o‘yin namoyish qila oladi, Fernandesni tekshirishimizga hojat yo‘q.
— So‘nggi paytlarda jarohatlar girdobida qolgan Zagoyev ham ro‘yxatdan joy olgan. Uning sog‘lig‘idan xavotirda emasmisiz?
— Futbol - to‘qnashuvlarga boy o‘yin. Zagoyev shikastlanganiga 19 kun bo‘ldi. Uning jarohatdan forig‘ bo‘lishi uchun ko‘pi bilan 21 kun talab etiladi. U lat yegan sana bilan Konfederasiyalar kubogidagi o‘yinimiz belgilangan sana orasida 52 kun bor. Alanning darajasini yaxshi bilamiz, tajribali ekanligi uchun ham ro‘yxatdan joy olgan.
— Dzyubaning ham sog‘lig‘i bilan bog‘liq muammolar yuzaga kelgandi. Artyomning ro‘yxatdaligi barcha muammolar ortda qolganidan dalolatmi?
— Shifokorlarimiz «Zenit»dagi hamkasblari bilan doimo aloqadalar. Dzyuba barcha uchrashuvlarda maydonga tushmoqda va so‘nggi paytlarda taqiqlarsiz ishlamoqda. 22-sanada Moskvada bo‘ladi.
— Noyshtedterning o‘yinlarini shaxsan kuzatdingizmi, u bilan suhbatlashdingizmi?
— Gaplashmadik. Ammo u terma o‘yinidan so‘ng to‘rtta bahsda maydonga tushdi. Bitta kubokda va uchta chempionatda. Turkiyada mavsum 22 mayda tugaydi. U yerga bormadim. Xayriyatki, hozirgi vaqtda barchasini videoyozuvlar orqali ko‘rish imkoniyati bor.
— Tarasovning holatidan qoniqish hosil qilyapsizmi? SSKAga qarshi uchrashuvdan so‘ng u tanqid ostida qolgandi.
— O‘sha bahsdan so‘ng sizlar uni tanqid qildinglar, ammo oldingi o‘yinlarda maqtamadinglar. SSKA bilan bahs olsak, Tarasov bir bo‘limda boshqalar 90 daqiqada bajaradigan ishni uddaladi, juda faol to‘p surdi. Faqat shunchaki, keraksiz joyda paydo bo‘lib qoldi, xolos.
— Terma jamoani qabul qilib olganingizdan buyon Smolov hali o‘ynamadi. Uning holatini qanday baholaysiz?
— Fyodor ikkita yig‘inimizda qatnashdi. Birinchisida o‘z gollarini urdi. Ikkinchisida esa, faqat nazariy mashg‘ulotlar bilan cheklandi. Hujumchining vazifasi gol urish, bu ishni u doim uddalamoqda. Demak, xavotirga o‘rin yo‘q. Biz uchun eng muhimi - uning jismoniy holati.
— Samedov «Spartak»ka o‘tganidan so‘ng zaxirada ko‘p o‘tirmoqda. Uning terma jamoadagi imkoniyatlari qanday?
— «Spartak»dagi holati bizga unchalik qiziqmas. Samedov terma jamoa o‘yinlarida muntazam ravishda o‘zini ko‘rsatib kelgan. Umuman olganda, klubida ham uchta gol urdi. Shundan ikkitasi jamoaga g‘alaba keltirdi.
Rossiya termasining kengaytrilgan tarkibi
Darvozabonlar: Igor Akinfeev (SSKA), Aleksandr Belenov («Ufa»), Marinato Gilerme («Lokomotiv»), Andrey Lunyov («Zenit»);
Himoyachilar: Viktor Vasin (SSKA), Georgiy Jikiya («Spartak»), Ruslan Kambolov («Rubin»), Fyodor Kudryashov («Rostov»), Ilya Kutepov («Spartak»), Roman Noyshtedter («Fenerbaxche», Turkiya), Andrey Semyonov («Terek»), Roman Shishkin («Krasnodar»);
Yarim himoyachilar: Yuriy Gazinskiy («Krasnodar»), Denis Glushakov («Spartak»), Aleksandr Golovin (SSKA), Alan Zagoyev (SSKA), Aleksandr Yeroxin («Rostov»), Yuriy Jirkov («Zenit»), Roman Zobnin («Spartak»), Dmitriy Kombarov («Spartak»), Aleksey Miranchuk («Lokomotiv»), Aleksandr Samedov («Spartak»), Igor Smolnikov («Zenit»), Dmitriy Tarasov («Lokomotiv»), Mario Fernandes (SSKA);
Hujumchilar: Aleksandr Buxarov («Rostov»), Artyom Dzyuba («Zenit»), Maksim Kanunnikov («Rubin»), Dmitriy Poloz («Rostov»), Fyodor Smolov («Krasnodar»).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
