Hademay 2018 yili Rossiyada bo‘lib o‘tadigan jahon chempionatiga saralash doirasida navbatdagi tur o‘yinlari bo‘lib o‘tadi. Unda terma jamoamiz Eronga qarshi bahs olib boradi. Bu o‘yin biz uchun juda muhim, agar Eronni mag‘lub etsak, kamida ikkinchi o‘ringa ko‘tarilamiz. Agar yutqazib qo‘ysak, uchinchi o‘rin ham xavf ostida qolishi tayin. Ayni damda bosh murabbiy Samvel Babayanning oldidagi asosiy muammolardan biri tarkib masalasidir. Xo‘sh, asosiy tarkib qanday bo‘lishi kerak?
HIMOYA CHIZIG‘I — MUAMMOLAR YETARLICHA
“Nasaf”ga qarshi o‘yinda ko‘rsatgan xurmacha qiliqlari tufayli Davron Hoshimov uchun terma jamoa eshiklari yopilsa ham ajablanmaymiz. Boisi uning bunday qo‘polliklarini bizning hakamlar kechirgan taqdirda ham, osiyolik hakamlar kechirmasligi tayin, ular yuzxotir qilib o‘tirishmaydi. Oqibatda Davron qizil kartochka olib, terma jamoamizni qiyin ahvolga tushirib qo‘yishi tayin. Ochig‘i, hozirda terma jamoamiz himoyasi uchun bitta aniq, ko‘ngilni xotirjam qiladigan nomzod bor — Vitaliy Denisov. Biroq u qanot himoyachisi. Markaziy himoyada esa ayni damda Anzur Ismoilovga ishonch bildirishga majburmiz, qolaversa, Islom To‘xtaxo‘jayev ham yomon o‘ynayotgani yo‘q-ku, biroq bu ikkalasi ayrim hollarda, ayniqsa, muhim o‘yinlarda uyaltirib qo‘yishlari mumkin. Yana bir qanotda esa Babayan Shuhrat Muhammadiyevni tushirsa bo‘ladi, aytganday, bizda Akmal Shorahmedov varianti ham bor, xullas, ayni damda terma jamoamizning himoyasini ko‘ngildagidek qilish uchun tajribali himoyachilar yetarli emasdek, nazarimizda. Ehtimol, murabbiylar yuqoridagilardan boshqa variantlarni ham topishar.
YARIM HIMOYA — NISBATAN YAXSHIROQ
Albatta, Odil Ahmedov — Sardor Rashidov — Server Jeparov — Jaloliddin Masharipov — Marat Bikmayev — va hokazo. Xullas, Samvel Babayanda himoya chizig‘idan ko‘ra yarim himoya chizig‘ida variantlar ko‘proq. Qolaversa, terma jamoamiz safida aynan shu chiziqda ishonchli harakat qiladigan charm to‘p ustalari ko‘proq uchraydi. Faqat Babayan Eronga qarshi matchda tezkorroe yarim himoyachilardan foydalanishi kerak. Masalan, Sardor Rashidov, Odil Ahmedov, Jaloliddin Masharipov va agar o‘yini o‘xshasa va o‘sha kuni yaxshi formada bo‘lsa Marat Bikmayev. Agar Marat hujum chizig‘ida o‘ynasa, boshqa bir futbolchi topish kerak.
HUJUM CHIZIG‘I — YANGILANISHLAR KERAK
Hujum chizig‘imiz ancha paytdan beri islohotga muhtoj bo‘lib turibdi. Eronga qarshi o‘yin oldidan esa bu islohotlarni yanada kuchaytirish kerak. Bizningcha, Eronga qarshi Mourinyo “Ayaks”ga qarshi tanlagan taktika — 4-5-1 dan yoki 4-4-2 dan foydalanishimiz kerak. Birinchi variant biroz ma’qulroqqa o‘xshayapti, boisi Eron va terma jamoamizning hozirgi holati shuni taqozo qilmoqda. Hujumda esa Temurxo‘ja Abduxoliqovdan, agar vaziyat yana bir hujumchidan foydalanishni taqozo etsa jon kuydirib o‘ynaydigan futbolchidan foydalanish kerak.
Biz yaxlit tarkib keltirmadik, bu boradagi hukmni o‘zingizga qoldirdik. Qani, kimning optimal tarkibi murabbiylarimizning tanlovi bilan mos kelarkin?
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
