Oliy liga 12-turidan o‘rin olgan “Navbahor” – “Bunyodkor” (1:1) o‘yinidan so‘ng, mehmonlar bosh murabbiyi Mirjalol Qosimov o‘z fikrlarini aytdi.
«Vodiy yoki Namangandagi o‘yinlardan doimo yaxshi taassurot qoladi. Negaki, o‘yingohni to‘ldirib o‘tirgan muxlislar jamoalarni munosib tarzda qo‘llab-quvvatlashadi. Futbol muxlislar uchun o‘ynaladi. Shuning uchun maydonda qiziqarli va jangovor o‘yin bo‘ldi. Qolaversa, “Navbahor” tarkibida jismoniy tomondan baquvvat futbolchilar ko‘pchilikni tashkil etishadi. Ular iloji boricha standart vaziyatlarda ikkinchi qavatda yaxshi o‘ynashadi. Bugun ham ular bu borada qiyinchiliklar tug‘dirishdi. Namanganliklarni shu tarzda o‘yin ko‘rsatishlarini o‘rganib chiqqandik. O‘z navbatida futbolchilarimiz ham imkon qadar yaxshi harakat qilishga intilishdi. Buning samarasi o‘laroq ikkinchi bo‘limda gol urishga muvaffaq bo‘ldik. Bundan tashqari gol urish yana boshqa vaziyatlar ham yuzaga keldi. Futbolda o‘yinchilar bir-biriga yordam berish kerak. O‘ylashimcha bugun qiziqarli va chiroyli o‘yin bo‘ldi. Qayd etilgan durang natija ham haqqoniy bo‘ldi. Yakuniy natijani salbiy va ijobiy tomonlari bor. Goldan keyin ham yaxshiroq harakat qilib, xatolarga yo‘l qo‘ymaslik kerak edi. Lekin, futbol shunisi bilan qiziq. Bizni bugun g‘alaba qoniqtirardi. Shunday bo‘lsada, hozirgi ahvolimizda natija qoniqtirdi.
Boshqa jamoalardan ham taklif bo‘lgandi. Nafaqat O‘zbekistondan balki chetdan ham chorlovlar bo‘lgandi. Misol uchun o‘tgan yili “Navbahor”dan ham taklif tushgandi. “Bunyodkor” jamoasi men uchun begona jamoa emas. Klub tashkil etilgandan beri jamoada faoliyat yuritdim. “Bunyodkor”ga mehrim o‘zgacha bo‘lganligi sababli sabr bilan kutildi. Vaqti soati kelib jamoaga qaytishim amalga oshdi. Bundan tashqari inson uchun eng kerakligi dam olib, sog‘lig‘imga ham e’tibor qaratdim. Ish bilan hayot o‘tib ketaveradi. Inson o‘zini ham o‘ylashi kerak. Negaki, futboldan tashqari oila degan iboralar ham bor. Farzandlar va nabiralarga ham e’tibor qaratish muhim sanaladi. O‘rtada yuzaga kelgan tanaffus men uchun foydali bo‘ldi deb o‘ylayman» - dedi Qosimov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
