Shu yilning 1–5 iyun kunlari Toshkent shahrida O‘zbekiston, Polsha, Yaponiya va Belarus o‘smirlar terma jamoalari o‘rtasida U-15 xalqaro turniri bo‘lib o‘tadi.
Shu munosabat bilan bugun, 31 may kuni O‘FF anjumanlar zalida musobaqa oldidan matbuot anjumani o‘tkazildi.
Polsha o‘smirlar termasining aviareysi kechiktirilgani bois, bosh murabbiy Robert Voychik matbuot anjumanida ishtirok etmadi. Qolgan murabbiylar turnir oldidan o‘z fikrlari, tayyorgarlik vazifalari va maqsadlari haqida so‘zlab berdi.
O‘zbekiston U-15 bosh murabbiyi Dilshod Nuraliyev: Toshkentdagi xalqaro turnir biz uchun Osiyo chempionati saralash bosqichiga tayyorgarlik vazifasini o‘taydi. Turnirda kim g‘olib bo‘lishi asosiysi emas. Muhimi musobaqada tajriba orttirish, qiziqarli va mazmunli futbol ko‘rsatish.
Raqiblar haqida aytadigan bo‘lsam, Yaponiya kuchli, Polsha va Belarus Yevropaning yetakchi jamoalari sanaladi. Tarkibimizda xalqaro maydonda o‘z kuchini ko‘rsata oladigan istiqbolli futbolchilar bor.
Oldindagi maqsadlar haqida aytadigan bo‘lsam, saralash bosqichida muvaffaqiyatli ishtirok etib, Osiyo chempionati final bosqichiga chiqish uchun harakat qilamiz. Futbolchilar bilan ishlashda davom etib, 2012 yilda qo‘lga kiritilgan Osiyo chempioni maqomni qaytarishga harakat qilamiz.
Yaponiya U-15 bosh murabbiyi Arima Kenji: Mazkur turnirga chaqiruv olganimizdan xursandmiz. Musobaqaga yaxshi tayyorgarlik ko‘rdik. Fevral oyidan boshlab turli musobaqalarda qatnishib, ancha yaxshi holatga kirib oldik. Jumladan, Shri-Lankada mamlakat o‘smirlari va Italiya bilan o‘ynadik. O‘zbekistonga katta o‘zgarishlar bilan keldik – tarkibdagi 13 futbolchi yangi. Vazifamiz ularni jismoniy jihatdan tayyorlash va xalqaro tajribaga ega bo‘lishini ta’minlash.
Mening fikrimcha, bu turnir tajriba orttirishdan tashqari, o‘zaro do‘stlik aloqalarini yaxshilashga yordam beradi. Qaysi jamoa kuchli ekanini aytish qiyin, hamma o‘ziga yarasha kuchli. Maqsadimiz – har bir o‘yinda bor kuchimizni ko‘rsatib, raqiblarga munosib qashrilik ko‘rsatish.
O‘zbekistondagi havo borasida fikrim ijobiy. Havo hozircha yaxshi, o‘ylaymanki, bu turnir davomida muammo bo‘lmaydi. Yaponiya o‘smirlar va yoshlar termasi so‘nggi yillarda Osiyo chempionatlardagi ketma-ket omadsizlikka duch kelmoqda. Buning asosiy sababi – Osiyo jamoalarining kuchayib borayotganidadir.
Belarus U-15 bosh murabbiyi Mixail Marxel: Bunday turnirda o‘ynashdan baxtiyormiz. Tayyorgarlik vaqtida bizga bu kabi o‘rtoqlik musobaqalari yetishmaydi. Shu sababli, bildirilgan taklifga hech ikkilanmay rozilik berdik. Osiyo jamoalari bilan o‘ynash biz uchun yaxshi tajriba sifatida xizmat qiladi.
Barcha jamoalar kuchli, kim favorit ekanini ayta olmayman. Ammo Polsha futbol maktabi Yevropada yetakchi hisoblanadi. Bizda o‘smirlar termasi endigina tuzildi va bor yo‘g‘i ikkita o‘yin o‘tkazdik. Tarkibda muammolarimiz ham bor, chunki futbolchilar maktabda imtihom topshirmoqda. Yana bir bor aytaman, bo‘lajak turnir xalqaro darajadagi tajriba bo‘ladi.
Toshkentdagi U-15 xalqaro turniri taqvimi bilan mazkur havola orqali tanishing.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
