An’anaviy turnirga aylangan «Evropadagi O‘zbeklarning futbol turnir-bayrami» beshinchi marotaba «Davra» o‘zbeklar jamiyati tarafidan 25-May kuni Myunxen shahrida tashkil qilindi.
Turnir-bayram O‘zbekiston Respublikasining Germaniya Federativ Respublikasi Franfurt Mayn shahridagi bosh konsulligi hamda O‘zbekiston Respublikasining Germaniya Federativ Respublikasidagi elchixonasi qo‘llab-quvvatlovi bilan amalga oshirildi. Turnirda jami o‘nta jamoa ishtirok etib ikki guruhga bo‘lingan holda ikkita maydonda parallel o‘yinlar o‘tkazildi.
A guruhda FC Triesdorf, FC Olympia München, FC Frankfurt, FC Bavaria va FC Davra jamoalari o‘zaro kuch sinashishgan bo‘lsa
B guruhda FC MBA Triesdorf, FC Dortmund, FC München, FC Frankfurt United hamda FC Uzbek United jamoalari kuch sinashishdi.
A guruhida birinchi o‘rinni egallagan FC Frankfurt B guruhida ikkinchi o‘rinni egallagan FC Dortmund bilan yarim finalning asosiy qismi va qo‘shimcha vaqtida durrang o‘ynab penalti tepishlar evaziga finalga yo‘llanmani qo‘lga kiritdi.
B guruhida birinchi o‘rinni egallagan FC München jamoasi esa A guruhida ikkinchi o‘rinni egallagan FC Triesdorf bilan yarim final bahsida 5-0 hisobida g‘alaba qozonib finalga yo‘llanmani qo‘lga kiritdi.
Shu o‘rinda ta’kidlab o‘tish kerakki, FC Frankfurt jamoasining ikki yetakchi o‘yinchisi yarim final o‘yinida qattiq jarohatlanib final bahsida ishtirok eta olmadi. Shiddatli o‘tgan final uchrashuvida FC München 3-0 hisobida g‘alaba qozonib Davra kubogi 2017 ni qo‘lga kiritdi.
Turnirda eng yaxshi darvozabon deb FC Frankfurt jamoasi darvozaboni Nodir Hojiyev, eng yaxshi o‘yinchi deb FC München o‘yinchisi Shohjaxon Gaipov tan olindi. Turnir to‘rurari esa FC München hujmchisi Abror Shonazarov bo‘ldi. Barcha o‘yinchilarga esdalik sovg‘alar va Davra diplomi topshirildi.
FC Frankfurt jamoasiga ikkinchi o‘rinni olganlik medali, FC München jamoasiga esa birinchi o‘rinni olganlik medali va Davra kubogi topshirildi.
Turnir oxirida barcha vatandoshlar O‘zbekiston Respublikasining Germaniya Federativ Respublikasi Franfurt Mayn shahridagi bosh konsulligi hamda O‘zbekiston Respublikasining Germaniya Federativ Respublikasidagi elchixonasi tarafidan tayyorlangan osh dasturxoniga taklif qilindi. O‘ta yuqori kayfiyatda o‘tgan turnir-bayramiga milliy taomimiz hisoblanmish oshni dasturxonga tortilishi bayramga o‘zgacha fayz baxsh etdi. Vatandoshlarimiz turnir-bayramidan katta taasurotlar bilan qaytayotganliklarini ta’kidlashdi va shunday bayramlar chet elda yashayotgan vatandoshlarimiz uchun juda katta ahamiyatga ega ekanligini aytishdi. Tadbirda O‘zbekiston Respublikasining Germaniya Federativ Respublikasi Franfurt Mayn shahridagi bosh konsullikdan bosh konsul Yerkin Hamroyev hamda O‘zbekiston Respublikasining Germaniya Federativ Respublikasidagi elchixonasidan Mamur Rasulov va Asqar Beknazarovlar ishtirok etishdi.
Anvar SHERMATOV, Berlin shahri
Andijon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
