Oliy liganing 14-turida “Navbahor” o‘z maydonida “Olmaliq” klubini qabul qildi.
Birinchi bo‘limda jamoalar extiyotkorlik bilan harakat qilishdi. Shu kungacha ketma-ket besh o‘yindan buyon “quruq seriya”ni qayd etib kelgan “olmaliqliklar” bu safar ham himoyada ishonchli o‘yin ko‘rsatishdi. Aksincha, qatorasiga 6 o‘yindan buyon g‘alaba nimaligini bilmay kelayotgan “Navbahor” esa o‘z muxlislari ko‘z o‘ngida ushbu noxush an’anaga barxam berish maqsadida katta kuch bilan oldinga o‘tdi.
Asosan xavfli vaziyatlarni tomonlar standart vaziyatlardan so‘ng tashkil qilishdi. Lekin har ikki jamoa darvozabonlari dastlabki bo‘limda gol bo‘lishiga yo‘l qo‘ymadi.
O‘yinda urilgan gollar ikkinchi bo‘limga to‘g‘ri keldi. 52-daqiqa mezbonlar hisobni ochishlari mumkin edi. Bu vaziyatda raqib himoyachisi Nemanya Yovanovichni o‘z jarima maydonida qoidani buzgan xolda to‘xtatib qolgandek taassurot uyg‘otdi. Lekin hakam Yovanovichni mug‘ombirlik qildi deb topdi va unga sariq kartochka ko‘rsatdi.
Shundan so‘ng Xurshid Xo‘jayev darvozasi oldida bosim kuchayib bordi. Oybek Qilichev, Aziz Turg‘unboyev va Dilshod Jabborovning urinishlari garchi xavfli tus olganiga qaramay, golga aylanmadi.
83-daqiqaga kelib, Aziz Turg‘unboyevning o‘ng qanotdan uzatgan to‘pini Nemanya Yovanovich boshi bilan “Olmaliq” darvozasiga joylab qo‘ydi - 1:0.
Mehmonlar esa safardan ochko bilan ortga qaytish ilinjida hujumkorlikni oshirishdi. Qo‘shib berilgan daqiqalarda ketma-ket ishlangan ikki burchak to‘pi Kumikov shogirdlariga foyda keltirdi.
Shavkat Mullajonovning jarima maydonimizda tepgan to‘pini darvozabonimiz ushlab qololmagach, Raxmatillo Berdimurodov bo‘sh qolgan darvozani ishg‘ol qildi. Shu tariqa “Navbahor” so‘nggi daqiqalarda g‘alabani qo‘ldan chiqardi.
Oliy liga 14-tur
20 iyun. Namangan. “Markaziy” o‘yingoh.
“Navbahor” – “Olmaliq” - 1:1 (0:0)
Gollar: N. Yovanovich (83) – R. Berdimurodov (90+2).
“Navbahor”: 30. Asilbek Amanov, 7. Oybek Qilichev (3. Hasanboy Ergashev, 87), 9. Dilshod Jabborov, 17. Ilhom Boydedayev (95. Timur Tolipov, 61), 19. Mirzohid G‘ofurov, 20. Alisher Mirzayev (5. G‘iyos Komilov, 74), 21. A’zam Aliyev, 32. Jahongir Mehmonov, 44. Darko Stanoyevich, 77. Azizbek Turg‘unboyev, 84. Nemanya Yovanovich.
“Olmaliq”: 46. Xurshid Xo‘jayev, 2. Abduqaxxor Xojiakbarov (7. Alibobo Rahmatullayev, 86), 5. Dilshod Jo‘rayev, 10. Shoxnazar Norbekov, 17. Kamoliddin Murzoyev (8. Shota Grigalashvili, 86), 18. Shavkat Mullajonov, 19. Islom Inomov, 21. G‘ulom-Xaydar G‘ulomov (9. Zabixillo O‘rinboyev, 86), 55. Raxmatullo Berdimurodov, 88. Igor Yelich, 94. Xurshid Muxtorov.
Ogohlantirishlar: D. Jabborov (45), N. Yovanovich (52) - R. Berdimurodov (4), D. Jo‘rayev (6), G‘. Xaydarov (56), SH. Norbekov (70).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
