Footclub sayti ko‘plab g‘ayrioddiy cheklovlarni o‘quvchilar hukmiga havola etdi.
SALTO OTISH MUMKIN EMAS
2007 yilda «Manchester Yunayted» jamoasining sobiq bosh murabbiysi Ser Aleks Fergyusson portugaliyalik yarim himoyachi Nanini jamoaga taklif qiladi. Futbolchi bilan tuzilgan shartnomaga shotlandiyalik mutaxassis kutilmagan bandni kiritadi, ya’ni Naniga golni nishonlash vaqtida salto oshishni taqiqlab qo‘yadi. Boisi, bosh murabbiyni jamoaga yaxshigina narxga tushgan portugaliyalik o‘yinchining salto natijasida yerga noqulay tushishi va oqibatda kasalxonaga tushishi tashvishga solardi. Biroq Nani bu taqiqqa e’tibor ham bermaydi. Buning isboti tariqasida esa oradan biroz vaqt o‘tgach, Irlandiyaning «Glentorana» jamoasiga qarshi kechgan matchda (3: 0) Luish Nani ketma-ket ikki marta salto oshadi. Lekin Ser Aleksning bejizga tashvishga tushmagani keyinroq o‘z isbotini topdi. Ya’ni 2013 yilda braziliyalik hujumchi Maurides aynan Nanining tryukini takrorlab ko‘rmoqchi bo‘ldi va natijada qattiq jarohat oldi. Biroq salto Naniga hech qanday zarar keltirmagan.
CHANG‘IDA UCHISH MAN QILINADI
Norvegiya terma jamoasining sobiq yosh futbolchisi Stig Inge Bernebyu chang‘ida tramplindan sakrashni yaxshi ko‘rardi. Sportning bu xavfli turiga bo‘lgan qiziqish unga otasi Yo Bernebyudan o‘tgandi. Yo o‘z vaqtida chang‘ida tramplindan sakrash bilan muntazam shug‘ullangan, hatto 1968 va 1972 yilgi qishki olimpiya o‘yinlarining ham ishtirokchisi sanaladi. Stig Inge biroz vaqtdan so‘ng Angliyaning «Liverpul» jamoasi bilan shartnoma imzolaydi. Uning qiziqishidan yaxshigina xabardor bo‘lgan jamoa rahbariyati esa futbolchining xavfsizligini ta’minlash va jarohatlanishining oldini olish maqsadida qorli har qanday sport turi bilan shug‘ullanishni taqiqlaydi.
UZUN SOCHLAR MASHMASHASI
Argentinalik Fernando Redondo o‘zgacha soch uslubi bilan mashhur edi. Buni qarangki, aynan ana shu soch uslubi uning terma jamoa bosh murabbiysi Daniel Passarell bilan tortishib qolishi va natijada terma jamoa safini tark etishiga sabab bo‘ldi. Bu voqea 1998 yilgi jahon chempionatida kuzatildi. Gap shundaki, Argentina terma jamoasi ustozi Passarell Fernandodan sartaroshga borishni talab qiladi. «U o‘ziga xos qonun-qoidalarni yaratardi, — degandi o‘shanda Redondo. — Bir kuni mendan sochimni qisqartirishimni talab qildi. Sochimning futbol o‘ynashga nima aloqasi bor, tushunmayman. Shu bois uning buyrug‘iga bo‘ysunmadim». Redondo keyinchalik, ya’ni Argentina terma jamoasini yangi murabbiy boshqarayotgandagina terma jamoa safida maydonga tushadi.
MOTOSIKL KUSHANDASI
2011 yilda «Manchester Siti» klubi rahbariyati jamoa hujumchisi Mario Balotelliga motosikl minishni taqiqlaydi. Bunga hujumchining «Harley-Davidson» markali motosikli bilan falokatga yo‘liqqani sabab bo‘ladi. Biroq bu Marioga kor qilmaydi. O‘z qarorini o‘zgartirishni yoqtirmaydigan, qaysar Balotelli yangidan-yangi motosikllar sotib olaveradi va o‘z navbatida qoidani ham buzaveradi. Buni qarangki, Balotellining motosikllari kamida 27 marta jarima maydonchasiga olib kelingan ekan.
SAMO BORASIDAGI CHEKLOV
«Sanderlend» jamoasi rahbariyatining taqiqi yanada g‘ayrioddiy: jamoa mutasaddilari klubning yangi a’zosi Stefan Shvarts bilan tuzilgan shartnomaga quyidagicha mazmundagi bandni ham kiritishadi: «Samoga uchsang, jamoadan haydalasan!» Bu taqiq bejizga emasdi, albatta. Klub mutasaddilari o‘yinchining kosmosga chiqib ketishidan xavfsirashgandi. Buni «Sanderlend»ning o‘sha paytdagi bosh direktori Jon Fikling quyidagicha izohlaydi: «Shvartsning maslahatchilaridan biri rostdan ham uning kosmosga sayohat qilishi uchun chiptaga buyurtma bergan. Biz esa bu Stefanning qarori ekanligini anglab, uning salomatligidan tashvishga tushdik. Boisi, kosmosga sayohat qilish borasidagi ko‘plab hujjatlarda bu xavfli mashg‘ulot ekanligi belgilab qo‘yilgan. Shuning uchun biz eng to‘g‘ri yo‘lni tutdik, Stefanga kosmosga chiqishni taqiqladik. To‘g‘ri, mazkur band bir qarashda kulgili, ammo bunaqa g‘alati bandlar bo‘lgan shartnomalarni istagancha uchratish mumkin.
FAQAT QORA BUTSA
Yana diqqat markazimizda Aleks Fergyusson. 2010 yilda ser Aleks «Manchester Yunayted» yoshlariga har xil rangdagi butsilar kiyishni man qiladi. Bu taqiqni esa jamoaning o‘sha paytdagi o‘yinchisi Jon O‘SHi quyidagicha izohlaydi: «Mashg‘ulotlar qora butsida olib borilardi. Chunki bu rang e’tiboringizni unchalik tortmaydi. Har xil yorqin rangli butsilar ham kiyishingiz mumkin, faqat u sizning diqqatingizni chalg‘itmasligi kerak».
INQILOBMI YOKI HALOKAT?
Mobil telefondan foydalanmaslik, gazli ichimliklar ichmaslik, mayonez, ketchup, amerikancha fast-fudlar iste’mol qilmaslik, umuman hazillashmaslik va gaplashmaslik — bu qonunlar ilk bora «Sanderlend»da joriy qilindi. «Bu ommaviy inqilob, o‘zgarish bo‘ladi», degandi jamoaning o‘sha paytdagi bosh murabbiysi Paulo Di Kanio. Ha, haqiqatan ham, bu qarorlar murabbiyning jamoani boshqarish stsenariysidagi inqiboliy jihatlaridek ko‘ringandi. Aslida esa mazkur qaror zarariga xizmat qildi. Yuqoridagi taqiqlarga ortiq bardosh bera olmagan futbolchilar italiyalik mutaxassisga chiqish eshiklarini ko‘rsatib qo‘yishdi.
Al-G‘arafa
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
