«Borussiya» D rahbariyati Usmon Dembeleni qo‘yib yubormasligini bir necha marta aytganiga qaramasdan, Yevropaning bir qator grand jamoalari uni o‘z safida ko‘rishni istamoqda.
Ayniqsa MSN uchligi uchun raqobatchi topish ilinjida yurgan “Barselona” bu kurashda yaqqol favoritdek ko‘rinmoqda. Klub futbolchi bilan og‘zaki kelishuvga erishganiga qaramay, Usmon Dembelening qancha mablag‘ evaziga kataloniyaliklar safiga ko‘chib o‘tishi noma’lum. France Football nashri futbolchining haqiqiy transfer bahosini hisoblab chiqdi.
Yozgi transfer bozori ochilganidan buyon Dembele bir qancha klublarning asosiy nishoniga aylangan. Dortmunddagi ilk mavsumidayoq ajoyib o‘yinini namoyish etgan futbolchi Mundialga bir yil vaqt qolganida jamoasini o‘zgartirish niyatida emas edi. Ayniqsa kuchli raqobat bo‘lmagan « Barselona » klubiga o‘tish Dembelening maqsadi emas. Biroq barchasi bir hafta ichida o‘zgarib ketdi. Sport nashriga ko‘ra, « Renn »ning sobiq a’zosi kataloniyaliklar bilan og‘zaki kelishuvga erishgan. « Borussiya » esa muhim futbolchisini saqlab qolish uchun barcha ishni amalga oshirmoqda.
« Borussiya »ning sport ishlari bo‘yicha direktori Mixael Zork quyidagi fikrlarini bildirib o‘tdi : « Dembele biz bilan uzoq muddatli shartmoga ega. Biz unga suyanamiz. Hech qanday muzokaralar bo‘lgani yo‘q. Dembele kelasi mavsumda ham « Borussiya »da qoladi. » Sport nashriga ko‘ra, dortmundliklar « Barselona »ning Dembele transferi bo‘yicha ilk taklifini rad etgan. Nashrga ko‘ra, « Barselona » bonuslarni ham qo‘shib hisoblaganda 70 million yevro (50+20) taklif qilgan. « Borussiya » noyob javohiri uchun kamida 90 million yevro istamoqda.
MSNga yangi raqobatchilar kerak
Ushbu mavsumda jamoaning hujum chizig‘iga raqobatchilik qilishi kerak bo‘lgan Arda Turon, Rafinya va Pako Alkaserlar bu vazifani uddalay olmasliklari ma’lum bo‘ldi. Asosiy tarkibdagi o‘rinlari aniq bo‘lgan MSN uchligi jiddiy raqobatga duch kelmadi. Shu boisdan klub ularga kuchli raqobatni tashkil eta oladigan iqtidor sohiblarini qidirmoqda. Usmon Dembele esa bu vazifaga munosib. Biroq, kelasi yil bo‘lib o‘tadigan Mundialda ishtirok etish uchun yosh iqtidor egasi ham klub, ham terma jamoadagi o‘rnini yo‘qotmasligi talab etiladi. Ispaniyada esa unga asosiy tarkibdagi o‘rin kafolatlanmagan.
Boshqa tomondan, uning transfer bahosi jiddiy so‘roq ostida. Yuqori iste’dod egasi bo‘lishiga qaramay, Dembele Mbappe kabi yosh va ancha tajribasiz. Chempionlar Ligasidagi debyut mavsumi omadli kechganiga qaramasda, 90 millionlik transfer qiymati juda yuqori. Boz ustiga, Dembele o‘yin payti tezkor qaror olish kabi xislatlarini rivojlantirishi lozim. France Football nashri shu kabi faktorlarni hisobga olib, futbolchining transfer qiymatini 70 million yevroga teng deb hisoblaydi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
