O‘yin yakuniga bag‘ishlangan matbuot anjumanining ikkinchi qismida jamoamiz ustozi Ro‘ziqul Sa’dullayevich ishtirok etdi va o‘yin haqida quyidagi fikrlarni bildirdi.
"Hammalaringizga g‘alaba muborak bo‘lsin! Bugungi g‘alabada stadionimizga tashrif buyurgan muxlislarning katta hissalari bor. O‘ylaymanki, biz bugun muxlislar bilan hamohang o‘ynadik, bejizga aytishmaydi muxlislar o‘n ikkinchi o‘yinchi, deb. Bugun bu ibora yana bir marta isbotlandi. Bugungi o‘yin ajoyib tarzda o‘tdi. O‘yinning qiymati ham yuqori edi. Qolaversa, muxlislar bugun ikkita kuchli jamoa ishtirokidagi o‘yinga guvoh bo‘lishdi. Birinchi bo‘limda futbolchilarimizda qanaqadir bosim va hayajon bo‘ldi. Ular yengil harakatlana olishmadi. Ikkinchi bo‘limda gol urib, birdaniga o‘zimiz gol o‘tkazib yubordik. Yigitlar diqqatini biroz yo‘qotib qo‘yishdi. Lekin futbolchilarimiz hisob tenglashganda ham o‘zlarida kuch va iroda topa olishdi. Ular stadionga tashrif buyurgan muxlislar kutgan o‘yinni va natijani qo‘lga kiritishdi. Buning uchun ularga katta minnatdorchilik bildiraman.
Bahrom Abdurahimovni mana ikki yildan beri kuzatib kelayapsizlar, u mehnatkash va o‘z ustida ko‘proq ishlaydigan o‘yinchilarimiz sirasiga kiradi. U keyingi paytda muxlislar yoqtirgan o‘yinchilar qatoriga qo‘shilganidan xursandmiz. U o‘z imkoniyatini endi ko‘proq ishga solayapti.
Nihoyat biz o‘z stadionimizda o‘ynash imkoniyatiga ega bo‘ldik. Buning uchun homiylarimizga, klubimiz rahbariyatiga kattadan–katta tashakkurlar izhor etaman. Biz uchun muxlislar ko‘z o‘ngida o‘ynash yoqimli va doimo ijobiy natijalar uchun maydonga tushamiz. Futbolda hal qilib qo‘ydik degan narsa yo‘q. Ammo biz keyingi bosqichga chiqish uchun yaxshigina zamin yarata oldik deb, o‘ylayman.
Kenjaboyev tezkor va individual harakat qila oladigan o‘yinchi. Bugun bunga yana bir marta guvoh bo‘ldik. Bundan men ham murabbiy sifatida xursandman.
Suyunov va A’zamovga “Paxtakor”dan jiddiy taklif bor. Bu taklif ular uchun yangi chaqiruv. Ammo ularning klubimiz bilan amaldagi shartnomalari bor. Ularning “Paxtakor”ga o‘tish yoki o‘tmasligi borasida klubimiz rahbariyati qaror qabul qiladi. Maboda bu o‘yinchilarimiz “Paxtakor”ga o‘tadigan bo‘lishsa, ularning o‘rnini to‘ldirishimiz kerak bo‘ladi. Bu borada rejalarimiz ham bor. Biz yana hujum chizig‘imizni va qanotimizni kuchaytirish maqsadida ishlar olib borayapmiz. Nomzodlar ham bor, ammo buni hozir ochiqlamoqchi emasman. Imkon bo‘lsa, xorijlik futbolchilarni safimizga qo‘shib olmoqchimiz. Akmal Shorahmedov borasida gapiradigan bo‘lsam, bu o‘yinchi jamoamiz uchun juda kerakli. Uni ham klubimiz bilan amaldagi shartnomasi bor. Biz uni hech qayerga qo‘yib yuborish niyatimiz yo‘q", - dedi "Nasaf ustozi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
