Angliyaning “Manchester Siti” klubi va Germaniya terma jamoasi yarimhimoyachisi Ilkay Gyundogan `Adidas` kompaniyasi vakillari bilan Moskvada tashkil etilgan `Tango League` turniriga tashrif buyurdi.
Bundan unumli foydalangan mahalliy jurnalistlar futbolchi bilan qiziqarli suhbat uyushtirishdi.
- Siz ko‘rgan oxirgi serial?
- “Fors-majorlar”. Shu serialni juda yaxshi ko‘raman. Barcha mavsumlarini ko‘rganman. Umuman olganda, seriallarga qiziqaman. Agar bitta seriyasi yoqib qolsa, boshqa seriyalarini ham qidirishga tushaman.
- Sizning sevimli ichimligingiz?
- Alkogol ichimliklarini juda kam ichaman. Chanqoqbosdi ichimliklardan fanta va kolaning aralashmasiga o‘xshash `Mezzo Mix`ni yoqtiraman.
- Siz tanishishni istagan mashhur inson kim?
- Denzel Vashington. Uning filmlarini sevib tomosha qilaman.
- Mashhurlik asablarni tarang qiladimi?
- Bir tomondan bundan rohatlanaman. Yoningizga fanatlar kelib dastxat so‘rashsa - bu ajoyib. Boshqa tarafdan siz ehtiyot bo‘lishingiz kerak. Chunki mashhurlarda ham boshqalar singari kayfiyati buzilib turadi.
- Har doim nimani o‘rganishni istagansiz?
- Pianino chalishni. Agar o‘rganib olsam ajoyib bo‘lardi.
- Oxirgi marta telefonga olgan suratingiz qaysi?
- Moskvaga kelayotganda samolyotda amakivachcham va fizioterapevtni suratga oldim. Moskvada esa hozircha rasm olmadim. Umuman olganda, sayohat qilishni yoqtiraman. Endi Braziliya, Kanada va Yangi Zelandiyaga borishni rejalashtirganman.
- Oxirgi marta nima sovg‘a qildingiz?
- Agar haqiqiy tuhfa haqida gapiradigan bo‘lsam, onamga tug‘ilgan kunlarida sumka sovg‘a qilgandim.
- Sizga berilgan eng yaxshi sovg‘a?
- Umuman olganda, hadya olishni unchalik yoqtirmayman. Chunki o‘zimni noqulay his qilaman. O‘zim ishlab topaman. Mendan kam pul topayotgan insonlarning biror-bir sovg‘a qilishlari g‘alati tuyuladi.
- Amalga oshirgan eng qimmat xaridingiz...
- O‘tgan yili Balikesirda yer sotib oldim. Bu Turkiyada, ota-onamning tug‘ilgan shahri. Qanchaga olganimni aytolmayman.
- Nimani cheksiz amalga oshirishingiz mumkin?
- Uyquni juda yaxshi ko‘raman. Bir sutka uxlashim mumkin.
- Oxirgi marta qaysi konsertga borgansiz?
- Bruno Mars Manchesterga tashrif buyurganida bordim. Bundan bir oy oldin Dreykning ham konsertiga tushgandim.
- Futbol tarixidagi eng yaxshi futbolchi kim?
- Messi.
- “Manchester Siti”ning eng yaxshi futbolchsi kim?
- (10 soniya o‘ylab qoldi).
- Rosti, Agueroni aytasiz, deb o‘ylagandik.
- Aguero, albatta, yaxshi. Ammo FIFA ko‘rsatkichlari bo‘yicha Silva yoki De Bryuyneni aytgan bo‘lardim. Balki o‘zim ham yarim himoyachi ekanligim uchun shunday o‘ylagandirman.
- `FIFA` o‘yinini o‘ynaganingizda qaysi jamoani tanlaysiz?
- Odatda, biror-bir futbolchini tanlab olaman. Ammo hech qachon o‘zimni tanlamaganman.
- Ota-onangiz nima bilan shug‘ullanishadi?
- Bolaligimda onam oshpaz bo‘lganlar. Hozir ishsiz. Otam esa, odamlarni turli ishlarga yo‘naltiradigan nemis kompaniyasida ishlardi. Turkiyada yashashadi. Otam qurilish kompaniyasida ishlayapti.
- Nima uchun ular Turkiyada yashashadi?
- Ota-onam hamisha Turkiyaga qaytishni orzu qilishardi. Ayni paytda ukam Germaniyada qiz dugonasi bilan yashayapti. Men esa Angliyaga ko‘chib keldim.
- Ertalab Iphone’ningizda ochadigan birinchi ilova?
- Budilnik. Keyin yana budilnik. Yana, yana. Uyqudan turishim uchun kamida besh marta chaladi. Yangi xabarlarni o‘qish uchun WhatsApp’ga kiraman. Kechqurun uyqudan oldin hamisha aviarejimni yoqib qo‘yaman.
- `Twitter` va `Instagram`ga suratlaringizni o‘zingiz joylaysizmi?
- Bu ishni bajaradigan kompaniya bilan hamkorlik qilaman. Lekin Twitter’dagi barcha postlar mening roziligim bilan amalga oshiriladi. Ba’zan ular, aytaylik, “Hozir Moskvadasan. Biror-bir surat jo‘nat. Joylab qo‘yamiz”, deyishadi. Ba’zan esa o‘zim aytgan narsani qo‘yishadi. Umuman olganda, ijtimoiy tarmoqlar fanati emasman.
- Ko‘pchilikning fikricha, “Manchester Siti” muvaffaqiyatini sotib olgan, deydi. Bunga javobingiz qanday?
- Futbolda pulning muhim rol o‘ynashi tayin. Lekin “Manchester Siti”ning ham o‘z tarixi bor. Jamoa 1894 yili tashkil etilgan. Aytaylik, “Borussiya” undan keyin tashkil etilgan.
- Hozir qanday mashinada yuryapsiz?
- Shaxsiy avtomobilim yo‘q. Qarindoshim men bilan birga yashaydi. Qayerga borsam, u olib yuradi. Angliyaga ko‘chib o‘tishim bilan jarohat oldim. Natijada mashina minolmadim. Yaqin kunlarda salondan “Porsh” chiqadi. Uch-to‘rt oy oldin buyurtma bergandim.
- Gyundogan talqiniga ko‘ra, tarixdagi eng yaxshi film?
- Gladiator.
- Katta pul yaxshimi yoki shon-shuhratmi?
- Katta pul. Chunki mablag‘ bilan ko‘p narsani amalga oshirsa bo‘ladi.
- Mashhurligingiz qizlar bilan munosabatingizga xalaqit beradimi?
- Ha. Futbolda pulingiz borligi uchun munosabat o‘rnatish ko‘p uchraydi. Umuman olganda, bu odatiy hol.
Qo‘qon-1912
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
